Şrift ölçüsü:
A+
A
A-
Kr
29 Yanvar 2015

Komadan çıxmağa onların səsi kifayət edər

Məzəli əhvalatlar haqda söhbət, xeyirxah dostların zarafatları komaya düşmüş xəstənin xilası ola bilər.

Rusiya KİV-i bildirir ki, ABŞ-ın Şimal-Qərb Universitetinin alimlərinin son araşdırmaları bunu deməyə əsas verir. Bu cür vasitələrlə pasiyentin sağalması həkimlərin nəzərdə tutduğundan da tez baş verə bilər.

Tədqiqatçıların sözlərinə görə, sınaqlar 6 həftə davam edib. Nəticələr "Neurorehabilitation and Neural Repair" jurnalında dərc olunub.

Tədqiqatlar nəticəsində məlum olub ki, yaxın adamların səsi, xəstəyə məlum olan xoş əhvalatların danışılması müsbət təsirlərini göstərir. Maraqlı cəhət ondan ibarətdir ki, xəstə ilə birbaşa danışmağa ehtiyac yoxdur. Sadəcə palatanın içində bu söhbətlər bəs edir.

Alimlər koma vəziyyətinə düşmüş 6 nəfərin (üç qadın, üç kişi) ayılması üçün bu metoddan istifadə ediblər. Həmin şəxslər yol qəzasında, partlayışda və başqa digər hadisələrdə komaya düşmüşdülər. Alimlərin gözləntiləri özünü doğruldub.

Xəstələrin yaxınlarının söhbətləri əsasən toy xatirələri, səyahətlər və ailə bayramları barədə olub. Onlar söhbət etdikcə xəstənin beyninin tomoqrafiyası çıxarılır. Məlum olub ki, doğma səslərin eşidilməsi beynin aktivliyini artırıb.


1659 بازدید
در حال ارسال اطلاعات...