Şrift ölçüsü:
A+
A
A-
Kr
04 Fevral 2015

Həzrət İmam Əlidən (ə) hikmətli kəlamlar

«Cəzalandırmağa gücü çatan kəsin bağışlaması daha yaxşıdır»
1. «Əlbəttə, hər bir nemətdə Allahın haqqı var (hər nemətə görə ona şükür etmək lazımdır). Hər kəs onu (şükrü) yerinə yetirsə, Allah ona olan nemətini artırar. Bu məsələdə diqqətsizlik göstərənin neməti zavala uğradılar».

2. «Düşmənə qalib gəldiyin vaxt qələbənə şükr olaraq onu bağışla».

3. «Çarəsizin dadına çatmaq, qəmginin qəmini aradan qaldırmaq böyük günahların kəffarələrindən sayılır».

4. «Ey Adəm övladı, Allah sənə ardbaard nemətlər verdiyi vaxt Ona qarşı itaətsizlik göstərirsənsə, onun əzabından qorx».

5. «Ən üstün zahidlik onu xalqdan gizləməkdir».

6. «Aqilin dili qəlbinin arxasında, axmağın qəlbi dilinin arxasındadır».

7. «Allah üçün səni pərişan edən günah səni lovğalandıran yaxşı işdən üstündür».

8. «Qələbəyə ehtiyat və uzaqgörənliklə çatmaq olar. Ehtiyat düşüncə qüvvəsini işə salmaqla, düşüncə möhkəm sirr saxlamaqla əldə olunur».

9. «Cəzalandırmağa gücü çatan kəsin bağışlaması daha yaxşıdır».

10. «Ağıl kimi var, cəhalət kimi yoxsulluq, ədəb kimi miras, məşvərət kimi arxa yoxdur».

11. «Dünya adamları, yatmış halda aparılan karvan əhlinə bənzəyirlər».

12. «Ağıl artarsa, danışıq qısalar».

13. «İnsan hər nəfəs çəkməklə ölümə doğru bir addım atır».

14. «İki iş arasında necə də böyük fərq var: biri ləzzəti gedib əziyyəti qalan əməl, o biri əziyyəti gedib mükafatı qalan əməl».

15. «Üç məqamda dostunu himayə etməyən kəs dost deyil: Dostu çətinliyə düşdüyü zaman, dostu yanında olmayan zaman, dostunun ölümündən sonra».


1630 بازدید
در حال ارسال اطلاعات...