Şrift ölçüsü:
A+
A
A-
Kr
07 Mart 2015

Fatimeyi-Zəhra təsbehinin sirri

Əzadarlıq zamanı Əhli-beytlə, xüsusən də Fatimeyi-Zəhranın (ə) əza məclisində onunla güclü mənəvi əlaqə yaranır
“Əzadarlıq zamanı Əhli-beytlə, xüsusən də Fatimeyi-Zəhranın (ə) əza məclisində onunla güclü mənəvi əlaqə yaranır. O, bir şəhid olaraq diridir, xeyirxah insan olaraq bizi sevir. Ona təvəssül etməyin insana çoxlu faydaları var. Biz ona əzadarlıq və təvəssül üçün vaxt ayırmalıyıq”.

Bu sözləri Fatimeyi-Zəhranın (ə) şəhadəti münasibətilə Tehran universitetinin məscidində çıxışı zamanı tanınmış vaiz Əlirza Pənahiyan söyləyib. “Tabnak” informasiya portalının verdiyi məlumata görə, natiq həmçinin Fatimeyi-Zəhra təsbehinin sirrini açıqlayaraq deyib:
“Bildiyiniz kimi, həm uşaqları saxlamaq, həm də ev işlərini görmək Fatimeyi-Zəhranı (ə) yorurdu. O, Peyğəmbərin yanına gedib yardım istədi. Bu problem də təbii ki, xüsusi bir qulluqçu vasitəsilə aradan qalxa bilərdi. Fatiməni hamıdan çox sevən Peyğəmbər isə ona yorulduğu zaman, bəzi rəvayətlərə görə, yatmazdan öncə, bəzi rəvayətlərə görə isə namazlardan sonra 34 dəfə “Allahu əkbər”, 33 dəfə “Əlhəmdu lillah”, 33 dəfə də “Subhanəllah” zikrlərini deməyi məsləhət görür. Biz bu gün bundan çox sirli bir qayda öyrənirik: Biz həmişə şəraiti dəyişdirməməli, bəzən özümüz dəyişməliyik!”

Pənahiyana görə, dillər əzbəri olmuş bu qaydaya əsasən, çətinlikləri asanlaşdırmaq lazımdır, amma həmişə yox. İnsanlar nahaq yerə bəzi çətinlikləri asanlaşdırmış və səhv etdiyini anlamışdır. Çünki bəzi çətinlikləri asanlaşdırarkən başqa fəsadlar ortaya çıxmışdır.

Nur-az.com


1995 بازدید
در حال ارسال اطلاعات...