Şrift ölçüsü:
A+
A
A-
Kr
26 Mart 2015

Höccətiyyə mədrəsəsinin təsisçisindən

Üzündə təbəssüm buyurdu: “Allah məni dəvət edir.”
Ayətullah Höccət Kuhkəməri ömrünün sonlarında halsızlaşmışdı. Elə bu vəziyyətdə də dünyasını dəyişdi. Bütün ailə üzvlərini və vəkilini çağırdı, vəsiyyət etmək istədi. Cənab Hacı Seyid Əhməd Zəncani və başqa alimlərə müraciətlə buyurdu: “Mənim möhürümü sındırın!”
23 cəmadiul-əvvəldə Ayətullah Seyid Məhəhmməd Höccət Kuhkəmərinin vəfat il dönümüdür. Alim Hicri-qəməri 1372-ci ildə dünyasını dəyişib. Ayətullah Brücerdidən sonra bütün şiə aləmində təqlid mərcəsi kimi qəbul olunan şəxs Ayətullah Höccətdir. Ona milyonlarla müsəlman təqlid edib.
Ayətullah Höccət Kuhkəməri Hicri-Qəməri 1310-cu ildə Təbrizdə - dünyaya gəlib. Onun ata-babaları nəcib seyidlər sülaləsindəndir. Bu nəsil Kuhkəmrə kəndində yaşayır. Seyid Məhəmməd Höccət ilk təhsilini atasından alıb. O qısa bir müddətdə ədəbiyyatla yanaşı fiqh və üsulun müqəddiməsini əxz edib. Əqli elmlər, riyaziyyatla tanış olub. Onun tibbi bilikləri də olub. Ayətullah Höccət gənclik dövründə fizika və kimya da oxuyub.
1330-cu ildə 20 yaşı olarkən Nəcəf elm hövzəsinə yola düşüb. Orada Ayətullah Seyid Məhəmməd Kazim Yəzdi, Seyid Əbu Turab Xansari, Seyid Şəriət İsfəhani, Mirzə Həsən Naini, Seyid Ziyauddin Əraqi Feyz kimi alimlərin hüzurundan bəhrələnib. Ona ictihad və rəvayət nəql etmək icazəsi verilib. Ayətullah Kuhkəmreyi 20 il Nəcəf hövzəsində qalıb. 1349-cu ildə xəstəlik səbəbindən İrana qayıdıb.
Həmin il Quma gələrək, hövzədə tədrisə başlayıb. Ayətullah Hairi Ayətullah Höccətin Quma gəldiyi gündən onunla yaxın olub. O Ayətullah Hairinin müşavirlərindən hesab edilib.
Ayətullah Höccət hövzəyə rəhbərlik etməklə yanaşı tələbələrin dolanışığına da diqqət ayırıb. Tələbələrin yaxşı təhsil alması üçün əlindən gələni edib. 13 min kv metr sahəyə, 126 hücrəyə, mədrəsə və məscidə malik olan Höccətiyyə mədrəsəsini tikib. Ayətullah Höccət hətta kitabxana təsis edib. Bu kitabxanada müxtəlif mövzularda min cildə yaxın kitab toplayıb. Nəhayət Rəbbani Seyid alim bir ömür təlaşdan sonra Hicri-Qəməri 1372-ci ildə dünyasını dəyişib, Höccətiyyə mədrəsəsinin civarında dəfn olunub.
Ayətullah Höccətlə bağlı maraqlı əhvalatlar nəql olunur. Son dəfə halı pisləşəndə vəsiyyət üçün yaxınlarını ətrafına toplayıb və deyib ki, mənim möhürümü sındırın. Səbəbini soruşublar. Buyurub ki, bundan sonra o möhürdən kimsə istifadə etməyəcək. Ətrafdakılar təəccüblənib. Ayətullah Höccət buyurub: “Mən bu xəstəlikdən sağalmayacağam.” Sonra Quran istəyib. Quranla istixarə edib. Ətrafdakılar gözləyirdilər ki, onun sağalacağına mujdə sayılacaq bir ayə gələcək. Ayətullah Höccət səhifənin əvvəlinə baxıb və üzündə təbəssüm buyurub: “Allah məni dəvət edir.” Sonra Quranı ətrafdakılara verib ki, hansı ayənin gəldiyini görsünlər. Çox keçməmiş alimin vəziyyəti ağırlaşıb və Aşura ziyarətini oxuduqdan sonra üzündə təbəssüm dünyasını dəyişib.

Vilayet.nur-az.com


1457 بازدید
در حال ارسال اطلاعات...