Şrift ölçüsü:
A+
A
A-
Kr
17 May 2015

Hizbullahın iqtidarı artdıqca İsrail asudəliyin üzünü görməyəcək!

Hizbullahın yeni tipli raketləri İsrailin sərhəd boyu salınan şəhər və qəsəbələrinə, o cümlədən, “Dimona” atom elektrik stansiyasına tuş dayanıb
Nur-az.com shia-news.com-a istinadən:
Son vaxtlar İsrail tərəfdən tez-tez səslənən hədə və təhdidlərə baxmayaraq Hizbullahın hərbi-təchizat potensialı kəmiyyət və keyfiyyətcə daim tərəqqidədir və həmçinin yeni tipli raketləri İsrailin sərhəd boyu salınan şəhər və qəsəbələrinə, o cümlədən, “Dimona” atom elektrik stansiyasına tuş dayanıb. Maraqlısı odur ki, bu təhdidlər Livana qarşı ifrat təfəkkürlü İsrail dövlət qoşunları üzrə hərbi məlumat korpusunun administratoru tərəfindən elan edilib. O, hələ bundan əvvəlki hədələrində İsrailin 2006-cı il müharibəsində Livanın “Zahiyə” məntəqəsinə vurduğu zərbələri misal göstərərək bu dəfə bütün Livanı yerlə yeksan edəcəyini bildirib. Halbuki Hizbullahın əlində olan iki hərbi əsiri azad etmək qəsdi ilə 2006-cı il müharibəsini törədən İsrail Beyrutun cənub nahiyəsi sayılan Zahiyəni tamam qəddarlıqla uçurtsa da, nə o iki nəfəri azad edə bildi, nə də, Hizbullahın raketlərinin qarşısını almağa qadir oldu. İfrat düşüncəli Hertsi xəbərdarlıq edib ki, Hizbullahın hər hansı səhv addımı hökmən aramızda üçüncü müharibə alovlarını şölələndirəcək. O, bu bəyanatı Telavivdə təşkil edilən daxili və xarici müxbirlərdən ibarət mətbuat konfransında bildirib.
İsrailin hərbi orqanları da, məntəqədə yaranan gərgin vəziyyətlə əlaqədar yaxın zamanlarda belə bir qarşıdurmanın ehtimalı haqda fikir yürüdürlər. Onlar bunu regionda İranın öz nüfuzunu artırmağa cəhd göstərdiyini və məqsədlərinə nail olmaqda Hizbullahın avanqard rolunu oynadığını bildirirlər.
Hertsi İranın 5+1-lə müzakirələrində əldə edilən razılıqları da, birtərəfli mənalandıraraq bunu İranın iqtisadi potensialına güclü təkan verəcəyi və nəticədə məntəqə üzrə öz dayaqlarına, xüsusilə, Hizbullaha hərtərəfli hami olacağı kimi qələmə verib. O, İranın nüvə enerjisinə sahib olmağından deyil, daha çox, regionda İsraili təhdid edə biləcək yeni bir iqtidarın formalaşmasından nigarandır.


1676 بازدید