Шәмси 1360-ҹы ил (1991) тир ајында Ајәтуллаһ Хаменинин уғурсуз террору илә бағлы сәнәдләрә бахыш
Тир ајынын 7-дә Ајәтуллаһ Хаменеинин террор һадисәси ҝүндәмдә иди. Теһранын Сәрчешмә хијабанында Ҹүмһуријјәт Партијасынын бинасында партлајыш баш вермишди, шәһид Беһишти илә бирликдә 72 нәфәр партија үзвү шәһадәтә чатмышды. Бир ҝүн сонра Евин һәбсханасынын рәиси Мәһәммәд Кәчуји мүнафигләрдән олан бир мәһбус тәрәфиндән шәһадәтә чатды. Мүнафигләр 30 хордаддан башлајараг Ислам Ҹүмһуријјәтинә гаршы силаһлы фәалијјәтә старт вердиләр. Бир аз сонра террор мәгсәди илә хүсуси груп ишә салдылар. Бу террорларын бәзиси уғурсуз олурду. 6 тирдә Ајәтуллаһ Хаменеинин террору, һәмин ҝүнләрдә Ҹүмһуријјәт Партијасы гәрарҝаһынын партладылмасындан сонра Фүрган груплашмасы бир ҹүзвә чап едиб террор һадисәләрини өз үзәринә ҝөтүрдү. Һадисәләрлә бағлы мүхтәлиф тәһлилләр варды. Бәзиләри Мүнафигләр тәшкилатыны, бәзиләри Фүрганчылары террорда иттиһам едирди. Әслиндә Ајәтуллаһ Хаменеини ким террор етмишди? “Кһаменеи.ир” сајты Ҹәнаб Рәһбәрин террор һадисәсинин 34-ҹү илдөнүмү мүнасибәти илә террорла бағлы арашдырмалары тәгдим едир.
Şәмси 1359-ҹу илдә Јәзддә чыхышдан: Әҝәр өмүр олсајды, Фүрган кими груплар имкан версәјди, иншааллаһ, ҝәләҹәкдә партија иши илә мәшғул олардыг. Партија ҹана ҝәләр, тәблиғаты башлајар, лазым олан брошүр вә китаблар, тәблиғат васитәләри чап олунар. Иншааллаһ бу ишләр һәјата кечәр...
Бу сөзләри Ҹәнаб Рәһбәр 1359-ҹу илдә Јәзддә Бафигдә данышыб. Бәлкә дә һәмин ҝүнләр бу чыхыша чох диггәт јетирилмәјиб. О заман Фүрган групунун әсас үзвләри бир нечә ај иди һәбс едилмишдиләр. Амма фүрганчылар руһанијјәтә гаршы чох кинли идиләр. Бу адамларын һәбси вә едамы илә фитнә јатырылды.
Фүрган групунун Әкбәр Гудәрзи адлы ҝәнҹ рәһбәри варды. Груп 56, 57-ҹи илләрдә јарадылмышды. Гудәрзи Гуран тәфсири дәрсләри кечир, дини мәтнләрдән өзүнәмәхсус чыхарышлар едирди. Материалист, марксист тәфсирләр мүхтәлиф груплар тәрәфиндән ирәли сүрүлүрдү. Бу азғын фикирләрә гаршы Шәһид Мүтәһһәри кими инсанлар дајанмышды. Бу ҹәрәјан о гәдәр ҝүҹләнмишди ки, ҝәнҹ Гудәрзи Гурана 20 ҹүзв тәфсир, Сәһифеји-Сәҹҹадијә вә Нәһҹүл-Бәлағәјә шәрһ јазмышды. Шәһид Мүтәһһәри 56, 57-ҹи илләрдә бу материалист тәфсирләри ҹавабландырырды. “Материализмә јөнәлмәнин сәбәбләри” китабынын 8-ҹи нәшри һәмин мөвзуда мүгәддимә илә башлајырды. Шәһид Мүтәһһәри Ислам ады алтында јазылмыш материалист тәфсирләри тәнгид едир, онлары мүнафиг материализм адландырырды. Шәһид Мүтәһһәри јазырды: “Сон ики илдә јазылан тәфсирләрә нәзәр салдыгда шүбһәјә јер галмыр ки, бөјүк бир фитнәкарлыгла үзбәүзүк. Бу фитнәкарлыглар дин дүшмәнләри тәрәфиндән дини вурмаг үчүн һәјата кечирилир. Буна шүбһәм јохдур. Тәрәддүддәјәм ки, бу ҹүзвәләри јазанлар гәфләтдәдир, јохса нә иш ҝөрдүкләрини анламырлар? Бәлкә дә, 700 милјон мүсәлманын мүгәддәс китаба бағлылығыны ҝөрүб биләрәкдән белә материалист тәфсирләр ирәли сүрүрләр. Мән бу јазыларда бөјүк нашылыг вә савадсызлыг ҝөрүрәм. Бу барәдә бәзи нөгтәләрә тохунмаздан өнҹә ону алдадылмыш материализм адландыра биләрик. Әҝәр бу хәбәрдарлыглардан сонра өз азғынлыгларыны давам етдирсәләр бу материализми мүнафиг материализм адландырмаға мәҹбур олаҹағыг...
Фүрган груплашмасынын азғын дүшүнҹәсини ҝүҹләндирән амилләрдән бири бүтүн мүсбәт ҹәһәтләринә бахмајараг Шәриәтидән тәсирләнмәләри иди. Шәриәтинин руһанијјәтсиз Ислам, әләви вә сәфәви шиәлији мөвзусунда сөһбәтләри, руһанијјәти һәдәфә алараг ахундизм башлығы алтында чыхышлары бу гәбилдәндир. Беләҹә, Ислам Ҹүмһуријјәти гурулдугдан сонра өлкәнин парчаланма тәһлүкәси вар икән Фүрган груплашмасы ахундизм шүарлары алтында әлинә силаһ алды.
Фүрган групу террор фәалијјәтләринә 1358-ҹи ил ордибеһишт ајында Мүштәрәк Орду Гәрарҝаһынын рәиси Гәрәнини шәһадәтә чатдырмагла башлады. 11 ордибеһиштдә Мүтәһһәри, 3 хордадда Рәфсәнҹани, 16 тирдә Һаҹы Турхани, 24 тирдә Ајәтуллаһ Сејид Рәзи Ширази, 4 шәһривәрдә шәһид Ираги вә онун оғлу Һисам, 10 абанда шәһид Гази Тәбатәбаи (Тәбризин имам-ҹүмәси), 27 азәрдә шәһид Мүфәттеһ Фүрган тәрәфиндән террор әмәлијјатына мәруз галды. Фүрган әмәлијјатларла паралел олараг өз мәгсәдләрини ачыглајан брошүрләр јајырдылар. Бу нәшријјәләрдә террор һадисәләрини өз үзәрләринә ҝөтүрүрдүләр. Һадисәләрин мүхтәлиф сәбәбләри олурду. Сијаси шәхсијјәтләрин террору Фүрганын идеоложи мәгсәдләриндән иди. Бәзән дә Гудәрзи шәхси дүшмәнчилик мүнасибәтләри әсасында бу иши ҝөрүрдү. Губа мәсҹидинин танынмыш шәхсијјәтләриндән олан Һаҹы Турхани, еләҹә дә шәһид Мүфәттиһ мәһз бу зәминдә террор едилмишди.
Елә ордубеһишт ајында Имам Хомејнинин (р) ҝөстәриши илә бу групун һәбсинә гәрар верилди. Кечирилән әмәлијјатларда 10 ҝизли үнван ашкарланды. 1358-ҹи ил, 18 дејдә Әкбәр Гудәрзи дә дахил олмагла Фүрганын әсас үзвләри һәбс едилди. Фүрган үзвләринин әксәри алдадылмыш ҝәнҹләр иди. Истинтаг групу сәмими сөһбәт фәзасында Гудәрзи вә башгалары илә сөһбәт едиб онлары азғын фикирләрдән чәкиндирмәк истәјирдиләр. Бу сөһбәтләр саатларла узанырды. Сөһбәтләр нәтиҹәсиз галмады, Фүрганчыларын бир групу сәһвини баша дүшүб төвбә етди.
Дүшүнҹәсиндән дашынмајан Әкбәр Гудәрзи бир груп Фүрганчы илә 1359-ҹу ил, 3 хордадда едам едилди. Ҹинајәтдә иштирак едәнләр һәбсә мәһкум олунду. Бир груп Фүрганчы төвбә едиб доғру јола гајытды, бәзиләри сонрадан ҹәбһәдә шәһадәтә чатды. Гудәрзинин едамындан сонра Фүрган өз нәшријјәләринин 25 сајында Гудәрзидән јазды. Онун фотоларынын ашағысында јазылырды: “Мәзлум шиә мүҹаһид, шиә идеолоҝијасынын 6-ҹы шәһиди Әкбәр Гудәрзи...”
Фүрганчылар шәһиди-әввәл, шәһиди-сани, шәһиди-салис, Мәҹид Шәриф Вагифи, Шәриәтидән сонра Гудәрзини 6-ҹы шәһид адландырырдылар.
Мәһәммәд Мүттәһиди Фүрганын һәрби голунун мәсулу иди. О 57-ҹи ил ордибеһишт ајында һәбс едилди. Әсас Фүрган үзвләри һәбс олунана гәдәр бу шәхс ҝүнаһсыз олдуғуну билдирди вә азад едилди. О нөвбәти дәфә абан ајында һәбс едилди. Бу дәфә өзүнү Меһди Сејфи кими тәгдим етди. Бир ај һәбсдә галандан сонра һәбсханада пәнҹәрәнин бармаглығыны кәсиб гачмышды.
Әксәр террор һадисәләри Әкбәр Гудәрзи вә Мәһәммәд Мүттәһидинин ҝөстәриши илә һәјата кечмишди. Мүттәһиди өзүнү шәһид Ираги, Тәги Һаҹы Турхани вә шәһид Гази Тәбатәбаинин террорунда иштиракчы сајырды. Онун әсас иши ҝәнҹләри јолундан чыхармаг, Фүргана гошмаг иди. 1358-ҹи ил абан ајында шәһид Гази Тәбатәбаинин террору Мәсуд Тәгизадә тәрәфиндән һәјата кечмишди.
Гудәрзинин вә бир сыра Фүрган үзвләринин едамындан сонра Мүттәһиди Фүрган јолчулары ады алтында тәшкилат јаратды. Бу тәшкилат Фүрганын Тәбриз бөлмәсиндән ибарәт иди. Онлар Фүрган үзвләринин едамынын интигамыны алмаг үчүн Теһрана ҝәлирләр. Ајәтуллаһ Рәббани Ширази, Ајәтуллаһ Мусәви Әрдәбили, һөҹҹәтүл-ислам Әбдүл-Мәҹид Мәадихаһ, Ајәтуллаһ Хаменеинин террору планлашдырылыр. Бу һадисәләр даһа чох интигам мәгсәди илә һәјата кечирилир.
1360-ҹы ил фәрвәрдин ајынын 8-дә Ширазда Ајәтуллаһ Рәббани Ширазијә атәш ачылыр, амма алим сағ галыр. Имам Хомејни (р) Ширазијә гаршы террорла бағлы јазыр: “Сизә гаршы террор һадисәсиндән хәбәр тутдум. Бу һадисә мәсулијјәтли руһаниләрә гаршы азғын програмлардандыр. Мәгсәдләри фәал вә мәсулијјәтли шәхсләри сәһнәдән чыхармагдыр. Унудублар ки, аҝаһ руһаниләр тарих боју сијаси сәһнәдә өндә олуб. Ајры-ајры шәхсләрин террору руһаниләри үмидсизләшдириб, Ислам дүшмәнләринә јол ача билмәз.”
Фүрган јолчулары Ајәтуллаһ Рәббани Ширазијә гаршы уғурсуз әмәлијјатдан сонра Ајәтуллаһ Мусәви Әрдәбили вә һөҹҹәтүл-ислам Мәадихаһа гаршы уғурсуз әмәлијјат кечирдиләр. Онларын нәзәрдә тутулмуш јердә гурашдырдығы партлајыҹы ишә дүшмәди, ја да вахтында партламады. Фүрганчылар радио гурғуларында бомба јерләшдирмәк үсулуна кечдиләр. Бу үсул илк дәфә Мәһәммәд Мүттәһиди тәрәфиндән һәјата кечирилди. Мәсуд Нәгизадә бу барәдә дејир: “Мәадихаһ вә Мусәви Әрдәбиләјә гаршы әмәлијјатлар уғурсузлуға дүчар оландан сонра бу үсула әл атылды. Мәнә верилән лајиһә әсасында 9 мм дивары олан вә үзәриндә дәликләр ачылмыш куб шәкилли гутулар дүзәлирди. Һәтта бу гутуну һазырлајан уста шүбһәләнмишди, демишди ки, буну силаһ кими нәзәрдә тутурлар. Бу куб шәкилли гутунун дәликләриндә үзәриндә мыхлар олан лајлар јерләшдирилирди вә бу лајлар гутудакы фишәнҝләри партлатмаг үчүн замин ролуну ојнајырды. Биз Рза илә бирликдә Сулган јолунда бу гурғуну бир нечә дәфә сынагдан чыхарсаг да, о ишә дүшмәди. Биринҹи дәфә машынла ҝетдик, Һүсејн дә бизимлә иди, гурғу ишә дүшмәди. Сонра Меһди деди ки, гурғунун замини ишә салынмајыб. Биз Рза илә нөвбәти дәфә ҝетдик, јенә дә гурғу ишә дүшмәди. Нәһајәт Меһди гурғунун лајиһәсини дәјишди. Јени лајиһә әсасында гурулмуш партлајыҹыдан Ајәтуллаһ Хаменеијә гаршы истифадә едилди. Буну сынагдан кечирмишдик, јахшы ишләјирди. Мәндән әлавә Меһди өзү дә бу гурғуну јохламышды. Дөрд дәлик әвәзинә бир дәлик гојулмушду, бир сантиметрлик дәликләр кичик бир дәлијә ҝедиб чыхырды, електрон партлајыҹынын мәфтили орадан хариҹ олурду. Һәмин јерә бир гәдәр барыт вә сечмә төкүлүрдү. Сонрадан пластиклә вә јапышганла өртүлүрдү.
Ингилабын гәләбәсиндән сонра мүхтәлиф груплар, һәтта марксистләр ингилабдан пај истәди. Халг Мүҹаһидләри силаһа әл атдылар. Онлар өз террор әмәлијјатлары илә гүррәләнирдиләр. Онлар Бәни Сәдр васитәси илә јени гурулмуш республикаја зәрбә вурмағы планлашдырырдылар. Мүнафигләр вә Бәни Сәдр 22 бәһмән вә 14 исфәнд митингләриндә һизбуллаһа өзләрини ҝөстәрдиләр. Онларын ҹүмһуријјәтә гаршы һәрәкәтләри һәр ҝүн ҝүҹләнирди. Теһран күчәләриндә чохсајлы аксијалар кечирирдиләр. Бәни Сәдрин Имам Хомејни (р) тәрәфиндән ишдән узаглашдырылмасы мүхалифләрә јашыл ишыг олду. 27 хордадда мәҹлис Бәни Сәдрә етимадсызлыг ҝөстәрди. Беләҹә Мүнафигләрин Бәни Сәдр васитәси илә һәјата кечирмәк истәдији алтернатив лајиһә уғурсузлуға дүчар олду. Мүнафигләр бәјанат јајдылар, республикаја гаршы силаһлы мүбаризәјә чағырыш етдиләр. Рәҹәвинин гәләми илә јазылмыш бәјанатда һакимијјәтә гаршы мүбаризәјә чағырыш јер алмышды.
Һәмин ҝүнләрдә ән фәал сијаси сималардан бири Ајәтуллаһ Хаменеи иди. Ајәтуллаһ Хаменеи хордад ајынын 29-да ҹүмә намазы хүтбәләриндә Имамын (р) бәјанатына ишарә илә Бәни-Сәдр вә мүнафигләри ифша етди. Рәһбәр бујурду: “Гардашлар! Бизим тәрәф мүгабилимиз шәхсән Бәни Сәдр дејил. Биз бир ҹәрәјанла үзбәүзүк. Һәмин ҹәрәјан бу ҝүн бир сима илә чыхыш едир. Әввәлләр башга симада олуб. Сонралар даһа фәргли симада заһир олмасы мүмкүндүр. Диггәтли олун. Нифаг ҹәрәјаны, ҝизли күфрү, пәрдәархасындакы гүввәни таныјын. Бу ҹәрәјан буҝүнүн сөһбәти дејил. Ингилаб тарихи боју бу ҹәрәјан олуб. Еј ҝәнҹ нәсил, еј ҝәнҹләр, еј сабаһын мәсуллары, билин ки, бу ингилаб һамыдан чох Мүнафигләрдән зәрбә алыр. Диггәтли олун, ингилабын әсил хәтти нә шәрг, нә дә гәрб мејллидир. Бу хәтт Ислам фигһинә бағлыдыр. Әсас халгын сәһнәдә олмасыдыр. Әсас халгла доғру вә сәмими олмагдыр. Бәзиләри халга үз тутур, амма бу јаландыр. Халга јалан дејирләр. Сөздә Ислам тәрәфдары олдугларыны билдирирләр, әмәлдә Исламын көкүнә балта чалырлар. Дилдә шәрг вә гәрбә гаршы данышыр, әмәлдә хариҹи сијасәт авазы чалырлар...” (1360-ҹы ил, Теһранын ҹүмә намазы хүтбәләриндән)
30 хордадда парламентин јығынҹағы олур, Халг Мүҹаһидләри Теһраны саваш мејданына чевирирләр. Нәтиҹәдә 25 нәфәр шәһадәтә чатыр. Ајәтуллаһ Хаменеи Али Мүдафиә Шурасында Имамын (р) нүмајәндәси, мәҹлис нүмајәндәси, Теһранын имам ҹүмәси, фәал руһаниләрдән иди. Мүһарибә башлајандан ҹәбһә илә дөвләт грумлары арасында фәалијјәтдә олмушду. Теһранда ҹүмә намазлары гылырды. Мүхтәлиф шәһәрләрдә олур, чыхышлар едир, суаллары ҹавабландырырды. Ҝәрҝин ҝүнләрдә Әбузәр мәсҹидинин үзвләри ҹәнаб Хаменеидән хаһиш етмишдиләр ки, мәсҹиддә чыхыш етсин. Бу програм Бәни Сәдрә етимадсызлыг иҹласы вә башга сәбәбләрдән бир һәфтә тәхирә салыныр. Ајәтуллаһ Хаменеи һәм ҹәбһәдә олурду, һәм сијасәт мејданында Бәни Сәдрлә гаршыдурмада иди. Ајәтуллаһ Хаменеи Бәни Сәдри јахшы таныјырды. Она етимадсызлыг мәҹлисиндә чыхыш етмишди. 14 дәлил ирәли сүрмүшдү. Нәһајәт, 177 сәслә Бәни Сәдрә етимадсызлыг ҝөстәрилди.
Нәзәрдә тутулмушду ки, 2 тирдә Ајәтуллаһ Хаменеи шәһид Чәмранын хатирә мәрасиминдә иштирак етсин. Онун шәһид Мүтәһһәри Али Мәдрәсәсиндә чыхышы нәзәрдә тутулурду. Һәм Ајәтуллаһ Хаменеи, һәм шәһид Чәмран Имамын Али Мүдафиә Шурасында нүмајәндәләри идиләр. Онларын бир вәзифәси низамсыз һәрби әмәлијјатларын истигамәтләндирилмәси үчүн јарадылмыш мәркәздә һәмкарлыг етмәк иди. 30 хордадда Мүнафигләр силаһлы һәрәкәтә кечәндә тәһлүкә артды. Ҹәнаб Рәһбәрин чыхышы һадисәсиз баша чатды. Сөһбәт баша чатандан сонра ҹәмијјәт Ајәтуллаһ Хаменеини дөврәјә алды. Бир нәфәр зорла ағаја јахынлашмаг истәјирди. Амма она имкан верилмир. Мәрасимдән сонра мүһафизәчиләр өз јолдашларындан биринин палтарынын гана бәләндијини ҝөрүрләр. Һәмин мүһафизәчи бычагла јараланмышды.
6 тирдә Ајәтуллаһ Хаменеи ҹүмә намазы хүтбәләриндә Мүнафигләри иттиһам едәрәк бујурду: “Сиз мүсәлман ата вә анадан дүнјаја ҝәлдикдән сонра күфрә доғру ҝетдиниз. Китабларыныз әлимиздәдир. Марксизми, күфрү ҝөрүрүк. Сиз мүртәҹе, мүртәдсиниз. Зинданда вә зиндандан кәнарда дәфәләрлә сүбута јетиб ки, Исламдан узагсыныз. Иртиҹаны бәһанә едиб, Ислама гаршы чыхырсыныз. Сәһв едирсиниз, јанылырсыныз. Бүтүн бунлар сизин мүһакимәниз үчүн кифајәт едир. Тарихдә адыныз галмајаҹаг. Әҝәр галса һамы сизи ләнәтләјәҹәк. Истисна чөһрәјә малик Имамын (р) рәһбәрлији илә ингилаб истигамәтләнди, үммәт рәшадәтлә, фәдакарлыгла ингилабын сүтунларыны мөһкәмләтди, инди сиз дөрд ҹаһил вә егоист адам бүтүн зәһмәтләри пуча чыхармаг истәјирсиниз. Тарих сизи ләнәтләјәҹәк.” (1360, Теһранын ҹүмә намазы хүтбәләриндән)
Һәмин дөврдә ҹүмә ахшамлары Ајәтуллаһ Мусәви Әрдәбили тәфсир дәрсләри кечирди. Мәшһәдә сәфәрә ҝетдијиндән һәмин һәфтә програм дәјишмишди. Мусәви Әрдәбилинин терроруну планлашдыран террорчуларын листиндә нөвбәти адам Ајәтуллаһ Сејјид Әли Хаменеи иди. Сәнәдләрдә јазылыр ки, партлајыҹы гурғу јерләшдирилмиш радио әввәлҹә Мусәви Әрдәбилинин террору үчүн нәзәрдә тутулуб. О һәр ҹүмә ахшамы евинин јахынлығындакы мәсҹиддә тәфсир дәрси кечирди. Вәзијјәти өјрәнмәк үчүн Меһди Һәсәнә демишди ки, тәфсир дәрсиндә бу һадисәнин баш вермәсинин мәнфи тәсири ола биләр. Мән сонрадан шәраити өјрәндим, ҝөрдүм ки, радио васитәси илә бу иши ҝөрмәк олар. Нөвбәти һәфтә Меһди радиону һазырлады. Амма әмәлијјатын планлашдырылдығы ҝүн Ајәтуллаһ Мусәви Әрдәбили Мәшһәдә ҝетди. Хәбәр тутдуг ки, Хаменеи бир мәҹлисдә чыхыш едир. (Мәсуд Нәгизадәнин ифадәләриндән)
Намаздан сонра суал-ҹаваб мәрасими башлајырды. Ајәтуллаһ Хаменеи өтән һәфтә Бәни Сәдрә етимадсызлыг һадисәси илә бағлы бу мәҹлисин ләғв олунмасына ҝөрә үзр истәди. Бујурду: “Әввәлҹә үзр истәјирәм ки, өтән һәфтә ҝәлә билмәдим. Билирсиниз ки, өтән һәфтә шәнбә ҝүнү мүһүм бир һадисә баш верди. Мәҹлис ҝүнортадан сонраја гәдәр давам етди. Мәҹлиси тәрк едә билмәдим. Мәҹлис баша чатанда артыг ҝеҹ иди.” Сонра Ајәтуллаһ Хаменеијә мүхтәлиф суаллар верилди. Суалларын бир һиссәси Ҹүмһуријјәт Партијасынын башчылары илә бағлы шајиәләрә аид иди. Ҹәнаб Хаменеи сөһбәт едирди. Әҝәр радиону онун гаршысына гојсајдылар сәсҝүҹләндириҹи фит сәси верәҹәкди. Сөһбәт баша чатанда Нәгизадә радиону апарыб ағанын гаршысына гојду. Радио ағанын үрәјинә јахын, үзбәүз гојулмушду.
İфадәләрдә дејилир: “Мән ҝүнорта мәсҹидә ҝетдим, Ајәтуллаһ Хаменеинин имамәти илә намаз гылынырды. Сонракы намазда иштирак етдим. Намаздан сонра Ајәтуллаһ Хаменеи сөһбәт етмәк үчүн бөјүк мизин архасына кечди. Бир гәдәр сонра мән радиону ишә салыб столун үстүнә гојдум. Миз бөјүк олдуғу үчүн Ајәтуллаһ Хаменеи мизин үстүндәки кағызлара бахмаг үчүн һәрәкәт едирди. Мән горхурдум, партлајышы ҝөзләмәјиб ҹорабларымы ҝејиндим, ајагјолуна ҝедиб, орадан күчәјә чыхдым. Сүрәтлә һәмин јердән узаглашдым.”
Мүһафизәчиләр фикирләширләр ки, столун үзәринә гојулмуш магнитафон мәсҹидиндир. Буна диггәтсизлик ҝөстәрирләр. Мүһафизәчиләрдән бири магнитафону бир гәдәр узаглашдырыр ки, сәс ҝүҹләндириҹинин сәсинә мане олмасын. Ҹәнаб Рәһбәр микрафонун сәсинә мане олмасын дејә бу гурғунун сөндүрүлмәсини истәјир. Мүһафизәчи ҝәлиб онун јерини дәјишир. Ајәтуллаһ Хаменеи сөһбәтә башлајандан сонра партлајыш баш верир. Аға сөһбәтә башламаздан әввәл микрафон фит сәси вермәјә башлајыр. Аға бујурур ки, бу сәси кәсин ја да ҹиһазы сөндүрүн. Аға микрафонун сәсини низамламаг үчүн бир гәдәр ҝери чәкилир вә һәмин вахт партлајыш баш верир.
Ајәтуллаһ Хаменеи партлајышдан сонра сол тәрәфи үстә јерә узаныр. Һамы елә билир ки, атәш ачылыб. Мүһафизәчиләрдән бири Ајәтуллаһ Хаменеијә тәрәф гачыр. О дејир ки, магнитафон 40 сәһифәлик дәфтәр кими вәрәг-вәрәг олмушду. Гырмызы гәләмлә онун ичинә јазылмышды ки, Фүрган групунун Ислам Ҹүмһуријјәтинә илк бајрам пајы. Ајәтуллаһ Хаменеинин бир нечә ҝүн өнҹәки чыхышлары вә Мүнафигләрин бундан әввәлки террор фәалијјәтләри бу һадисәнин дә онлар тәрәфиндән төрәдилмәси илә бағлы еһтималлары ҝүҹләндирир.
Ајәтуллаһ Хаменеи мәсҹиддән бајырда мүһафизәчиләрин гуҹағында бир анлығына өзүнә ҝәлир. Бир гәдәр башыны галдырыр, тез дә ашағы салыр. Ағаны машына ҝөтүрүр, сүрәтлә һәрәкәт едирләр. Ајәтуллаһ Хаменеинин һушу өзүнә гајыданда дили алтында шәһадәт кәлмәләрини демәјә башлајыр. Додаглары вә ҝөзләри олдугҹа зәиф һәрәкәт едир.
Ајәтуллаһ Хаменеи һадисәни белә хатырлајыр: “Илк дәфә јерә јыхыланда нә баш вердијини анламадым. Сонра һушуму итирдим. Илк дәфә бир анлыг һушум башыма гајытды. Һәр дәфә бир һисс кечирирдим. Буну һеч вахт унутмарам. Бир дәфә мәнә елә ҝәлди ки, артыг ҝедирәм. Дүшүндүм ки, өлүм гаршымда дајаныб. Өзүмү бәрзәх сәрһәддиндә ҝөрдүм. Бу вәзијјәтдә инсанын Аллаһдан башга һеч бир сығынаҹағы олмур! Һәтта јахшы ишләри барәдә шәккә дүшүр ки, бу ишләри ихласла ҝөрүб, јохса јох? Ҝөрән нијјәтим там илаһи олуб? Нијјәтимдә ширк, рија олмајыб ки? Нәләрисә нәзәрә алмамышам ки? Һәр һалда бизләр ејб ичиндәјик. Тәәссүф ки, һәр ҹүр ејбимиз вар. О заман инсан һисс едир ки, јерлә ҝөј арасында саман чөпү кимидир. Һәр шејдән әлагәси үзүлүр. Өзүмү Аллаһ гаршысында һисс едиб дедим ки, Пәрвәрдиҝара, ҝөрүрсән ки, әлим неҹә бошдур. Һеч нәјим јохдур, мөһтаҹам! Әҝәр лүтф етсән, етмисән, јохса биз батдыг... Нијјәтим өлмәк дејилди. Сәадәт вадисинә ҝетмәк барәдә дүшүнүрдүм. Сонра һушуму итирдим...”
Ајәтуллаһ Хаменеи сүрәтлә хәстәханаја чатдырылыр. Һәким һејәтинин тәлашлары илә ону хилас етмәк мүмкүн олур. Сәһәри ҝүн Имам Хомејни (р) бәјанат јајыр ки, бу бәјанатда дејилир: “Биз Аллаһ гаршысында, Онун һагг вәлиси һәзрәт Бәгијјәтуллаһ гаршысында ифтихар едирик. Ҹәбһәдәки, арха ҹәбһәдәки дөјүшчүләримизлә фәхр едирик. Онлар ҝеҹәләр ибадәт меһрабындадыр, ҝүндүзләр һагг јолда ҹиһад едир. Мән сиз әзиз Хаменеијә тәбрик сөјләјирәм. Ҹәбһәдә дөјүшчү либасында, ҹәбһә архасында руһани либасында бу мәзлум милләтә хидмәт етмисиниз. Аллаһ-Тааладан сизә Ислам вә мүсәлманлара хидмәтинизи давам етдирмәк үчүн саламатчылыг арзулајырам. Вәссәламу әләјкум вә рәһмәтуллаһи вә бәрәкатуһ.”
6 тир террор һадисәсиндә Ајәтуллаһ Хаменеи јараланды. Тәһлүкәсизлик органлары Фүрган јолчуларынын изини Мәшһәддә тапдылар. 1360-ҹы шәһривәр ајында Мәһәммәд Мүттәһиди вә Мәсуд Тәгизадә һәбс едилди. Мәсуд Тәгизадә әтрафлы данышды, Мәһәммәд Мүттәһиди бир нечә ҹүмлә илә кифајәтләнди. Мәһкәмәдә дә өзүнү мүдафиә етмәди. Ајәтуллаһ Мәһәммәд Ҝиланинин Теһран Ингилаб Мәһкәмәсиндә һөкмү илә Ајәтуллаһ Гази Тәбатәбаинин шәһадәти, Ајәтуллаһ Хаменеинин террору үчүн партлајыҹы гурғу һазырланмасы иттиһамы ирәли сүрүлдү. Ајәтуллаһ Рәббани Ширази, Ајәтуллаһ Мусәви Әрдәбили, һөҹҹәтүл-ислам Мәадихаһ, Сејид Әсәдүллаһ Лаҹивәрдијә гаршы террор әмәлијјатларындан данышылды. Бу инсанлар гәтлдә иттиһамла едама мәһкум едилди. Нәгизадә вә Мүттәһиди 1360-ҹы ил 8 бәһмәндә шәһид Гази Тәбатәбаинин гәтлә јетирилдији јердә едам едилди.
60-ҹы илләрдә бүтүн ениш-јохушлар, мүнафигләр вә Бәни-Сәдрлә јашанан ҝәрҝинлик, террор далғасы, 7 тир, 8 шәһривәр һадисәләри, ҹәбһәдәки чәтинликләр тәдриҹән сона чатырды. Теһранын севимли имам ҹүмәси уғурсуз террор әмәлијјаты нәтиҹәсиндә 9 ај ҹүмә намазында иштирак едә билмәди. Ајәтуллаһ Хаменеи һәмин илләрдә халг вә ингилабын јашадығы чәтинликләри хатырлајараг 60-ҹи или исар вә шәһадәт или, дәјәрли сәрмајәләрин хәрҹләндији ил адландырды. Ајәтуллаһ Хаменеи һәмин илин кимлик вәрәгини гырмызы рәнҝли, ағрылы вәрәг, амма хош агибәтли, үмидвериҹи бир сәнәд кими гејд етди.
Vilayet.nur-az.com
