Şrift ölçüsü:
A+
A
A-
Kr
23 İyul 2015

Zərif: Əgər o, İŞİD-in qarşısında dayanmasaydı...

5+1 heç demə Qasim Süleymanini müzakirəyə çıxarıbmış!!
Bizim xalqın sizi SEPAH-ın düşməni kimi tanımaması sizin öz xeyrinizədir!..

İran xarici işlər naziri Zərif nüvə müzakirələrinin sonunda general Süleymaninin müdafiəsinə qalxaraq deyib: Əgər bu insan İŞİD-in qarşısında dayanmasaydı, indi Suriya və İraqda vəziyyət başqa olardı...
Doktor Zərif ABŞ xarici işlər naziri Kerri ilə istər xüsusi, istər 5+1 nazirləri ilə ümumi görüşdə qətiyyətlə SEPAH-ın müdafiəsinə qalxıb.
Namehnews xəbər verir ki, bəzi qüvvələr müzakirə heyəti ilə SEPAH arasında gərginlik yaşandığını təlqin edir. Hansı ki doktor Zərif Kerri ilə xüsusi və ümumi görüşlərdə Keşikçilər Korpusunu qəti şəkildə müdafiə edib. Bu barədə müzakirə heyətinə yaxın mənbə xəbər verir.
5+1 ilə son görüşlərdən birində qərbli nazirlər növbəti dəfə SEPAH haqqında mənfi fikir bildirərkən doktor Zərif deyib: Siz kimin haqqında danışdığınızı bilirsiniz?! Bilirsinizmi ki, İran xalqı Səddamın təcavüzlərinə qarşı göstərdiyi rəşadət və fədakarlığa görə SEPAH-ı sevir?! Bütün silahlar təcavüzkar Səddamın əlində olanda, sizin dövlətlər İranın silah əldə etməsi üçün bütün yolları bağlayanda SEPAH gəncləri şəhadət və isarla ölkəni müdafiə edib. Xalqımız özünü SEPAHA borclu bilir. Bizim xalqın sizi SEPAH-ın düşməni kimi tanımaması sizin öz xeyrinizədir!..
Doktor Zərif 5+1 ilə və digər müzakirələrdə Qüds Qüvvələri və general Qasim Süleymaniyə qarşı ittihamlar səsləndiyi zaman həmişə etirazını bildirib.
Xarici işlər naziri Zərif Kerri və 5+1 nazirlərinə daim xatırladıb ki, general Süleymani Suriya və İraqda İŞİD-in qarşısında dayanmasaydı bu gün siz bu iki ölkənin mühüm şəhərlərində tamam başqa vəziyyətlə üzləşərdiniz.

Vilayet.nur-az.com


1838 بازدید