Şrift ölçüsü:
A+
A
A-
Kr
23 Avqust 2015

Onun qoşunu yer-göy tanımır!

İnqilab əleyhinə, İmam əleyhinə qeyzlə sıxılmış dişləri görürəm...
Mən sizə demək istəyirəm ki, İslam inqilabının bu əzəmətli hərəkəti bitmiş bir hərəkət deyil. Onun qoşununun bir tərəfi guya ədəbiyyat, mədəniyyət və sair sahələrin adamı sayılan mən və sizlərik: “Göylərdə və Yerdə olan qoşunlar Allaha məxsusdur”. Onun qoşunu yer-göy tanımır: “Allah yenilməz qüvvət sahibi (Əziz), hikmət sahibidir”. Allah Əzizdir; əziz - məğlubedilməz qalibdir; yəni heç nəyə ehtiyacı olmayan. Mən və siz indi işin bir küncündən tutmuşuq. İslam inqilabı ilə başlayan bu əzəmətli hərəkət bitmiş bir hərəkət deyil; əsla bitmiş deyil, davam edir. İndi çıxışlarda, televiziyada, təbliğatda, məhkəmədə “yumşaq müharibə” sözü hamının dilinə düşüb. Bu doğru sözdür. Bu bir həqiqətdir. Yəni indi müharibə gedir. Əlbəttə, bu sözü mən bu gün demirəm. Müharibədən sonra - 88-ci ildən həmişə dəfələrlə bunu demişəm. Səbəb budur ki, mən səhnəni görürəm. Kimsə görmürsə, mən nə edim?! Mən səhnəni görürəm, təchizatı görürəm, sıraları görürəm, nifrət və qəzəblə açılan ağızları görürəm, inqilab əleyhinə, İmam əleyhinə, bütün bu amalların və bu hərəkətə könül verən bütün şəxslərin əleyhinə qeyzlə sıxılmış dişləri görürəm. İnsan bunları görür, nə etsin?! Bu bitməyib və bitmədiyinə görə hamının üzərinə vəzifə düşür. Mədəniyyət, ədəbiyyat və incəsənət adamlarının vəzifəsi də bəllidir: çatdırmaq, izah etmək; deyin, danışın. Mən həmişə bunun üzərində dayanıram: formanı yaxşı seçməlisiniz, incəsənəti tam xalis şəkildə ortaya qoymalısınız, zəif olmamalı və öz təsirini buraxmalıdır.

Ayətullah Xamenei

Vilayet.nur-az.com


1890 بازدید
در حال ارسال اطلاعات...