Şrift ölçüsü:
A+
A
A-
Kr
24 Avqust 2015

Amerikanın marağı: Birqütblü dünya yaratmaq

Beynəlxalq istismarçı bir sistem mövcuddur və onun başında Amerika rejimi durur.
Qəti olan budur ki, beynəlxalq istismarçı bir sistem mövcuddur və onun başında Amerika rejimi durur. Keçmişdə digərləri olub, gələcəkdə də digər qüvvələrin olması mümkündür. Bu gün Amerika dünyada özünə maraqlar tərif etmişdir; gizli də deyil, məqalələrdə yazmışlar, siyasi təhlillərdə demişlər. Onların marağı birqütblü dünya yaratmaqdan ibarətdir. Yəni dünya ölkələrinin başında Amerika adlı bir dövlət, ondan aşağıda isə bəziləri elmi gücə, elmi inkişaflara və hərbi iqtidara malik olan müxtəlif dövlətlər durur; onlarla birtəhər keçinmək və ziddiyyət yarandıqda onların maraqlarını önə keçirmək lazımdır. Bu, Amerika təhlilidir. Hərbi, yaxud iqtisadi gücə malik olmayan dövlətlər də var. Onlara ad qoymuşlar: inkişaf etməkdə olan ölkələr, yaxud üçüncü dünya ölkələri. Amerikanın iqtidarını artırmaq üçün bunların bütün imkanlarından istifadə etmək lazımdır; əgər onların enerjisinə - neft və qazına ehtiyacımız varsa, hansısa bir yolla onları ələ keçirmək lazımdır; əgər onların bazarına ehtiyacımız varsa, mümkün şəkildə bazarlarına yol tapmaq lazımdır; əgər onların arasında siyasi və iqtisadi güc saxlamağa ehtiyac varsa, bu yolu açmaq lazımdır; əgər həmin ölkələrdə maneçilik yaradan hökumətlər iş başındadırlarsa, onları kənarlaşdırmaq lazımdır; əgər o ölkələrdə maneçilik yaradan düşüncələr varsa, o düşüncələri cəmiyyətin zehnindən silmək lazımdır; əgər o ölkələrdə satlıq şəxsiyyətlər varsa, onları almaq lazımdır; əgər o ölkələrdə bu siyasətə qarşı çıxan hökumətlərin əleyhinə təzyiq vasitəsi kimi istifadə edilməsi mümkün olan qüvvələr varsa, pul xərcləyib onları işlətmək lazımdır. Bu, hegemonluğun siyasətidir. Bu gün Amerika bu siyasəti aparır.

Ayətullah Xamenei


1401 بازدید