Şrift ölçüsü:
A+
A
A-
Kr
27 Sentyabr 2015

Haram yemək haqqında hədislər

Haram mal qazanan şəxsin həcci və ümrəsi (Allah dərgahında) qəbul deyil
1. İmam Baqir (ə) buyurur: «Heç bir ibadət, qarını haram yeməkdən qorumaq və iffətli olmaq kimi fəzilətli deyil».
2. İmam Səccad (ə) buyurur: «Qarnının sənin boynunda olan haqqı budur ki, onu haram yeməklərə qab etməyəsən».
3. O həzrət başqa bir hədisdə buyurur: «Allaha iman gətirdikdən sonra, heç bir ibadət Allah dərgahında qarını haramdan qorumaq və iffətli olmaq qədər xoşa gələn deyil».
4. İslam Peyğəmbəri (s) buyurur: «Özümdən sonra ümmətim haqqında üç şeydən qorxuram: Allaha iman gətirdikdən sonra dindən çıxmaq, çaxnaşmalarda yolunu azmaq və qarnın və cinsi istəklərin qeyri-qanuni (haram) yolla doydurulması.»
5. O həzrət başqa bir hədisdə buyurur:
«Haram mal qazanan şəxsin həcci və ümrəsi (Allah dərgahında) qəbul deyil. Eləcə də yaxın qohum-əqrəba ilə əlaqəsi olsa belə onun bu işinə heç bir savab yazılmaz». (Çünki islam dinində yaxın qohum-əqrəba ilə əlaqə saxlamaq savab bir işdir).
6. Rəvayət olunub ki, Musa peyğəmbər ağlayaraq Allaha dua edib yalvaran bir şəxsi gördü. Allah tərəfindən Musaya xəbər gəldi ki, o nə qədər dua etsə də, onun duası qəbul olmayacaq.» «Çünki onun qarnında, belində və evində haram vardır».
Bir şəxs Peyğəmbərin (s) hüzuruna gəlib ərz etdi: «İstəyirəm etdiyim dualar qəbul olsun».
Peyğəmbər (s) buyurdu: «Yeməyini təmizlə və qarnını haram yeməkdən qoru!»
Sonra buyurdu: «Duasının qəbul olmasını istəyən şəxs yeməyini və qazancını haramdan təmizləməlidir.»
Həmçinin rəvayət olub ki, bir tikə haram yeməkdən çəkinmək, Allah dərgahında vacib olmayan (müstəhəb) iki min rəkət namazdan yaxşıdır. Və bir dinək (dirhəmin altıda biri) pulu sahibinə qaytarmaq 70 qəbul olmuş həccdən fəzilətlidir.


1976 بازدید