Şrift ölçüsü:
A+
A
A-
Kr
25 Yanvar 2016

Nəvvab Allahdan başqasından qorxmadı!

Şəhid Nəvvabın xanımı onun haqqında xatirələrini bölüşür
Xanım Nəyyirə Sadat Nəvvab Ehtişam Rəzəvi Allahla görüşə təşnə Nəvvab Səfəvi (Seyid Müctəba Mirlovhi) ilə ailə quranda 14 yaşı olub (tebyan.org). Fədakar xanım şəhid Nəvvab haqqında danışır:
Atam Seyid Əli Nəvvab Ehtişam Rəzəvi Rzaxan dövründə inqilab fəallarından olub. Pəhləvi şapkası meydana çıxanda Məşhəddə qiyama başçılıq edənlərdəndir. Atam Rzaxanı ingilislər İrandan çıxarana qədər sürgündə olub. Sonra Nəvvab Səfəvi ilə rastlaşırlar və iki inqilabçı arasında yaxın münasibət yaranaır. Beləcə Nəvvab mənim üçün elçilik etmişdi, atam da razılıq vermişdi. 1326-cı ildə Qumda əqdimiz oxundu. Onun 21 yaşı vardı...
Nəvvabla 8 il yaşadıq. Bütün bu müddətdə Tehranda məxfi həyat sürmüşük. İki gündən bir İslam fədailəri gələrdi, məni Nəvvabın yanına aparardılar. Mən ona həyat yoldaşı yox, bir əsgər kimi aşiq idim. 8 ildə bir dəfə olsun belə həyat tərzinə etiraz etmədim. İnsan Allahın razılığı üçün yaşayanda hər şey asan olur...
8 ildə bir dəfə də ondan nəsə istəmədim və bir dəfə də Nəvvabın qəzəbləndiyini görmədim... Ailə, dostlar ilə isə çox mehriban idi. Uşaqlar gecə ayılıb ağlayanda qalxıb uşaqları ovundurar, səni tənha qoymaq insafdan deyil deyərdi...
1327-ci ildə şaha atəş açıldı. Bütün mübarizləri, müxalifləri həbsə alıb sürgün etdilər. Nəvvab Allahdan başqa kimsədən zərrəcə qorxmurdu. O dövrün siyasiləri yaxşı bilir ki, dövlət başçıları Nəvvabdan çəkinir, hətta qorxurdular... Baş nazir Rəzmara ingilislərlə neft müqaviləsi bağlamaq istəyəndə xəbər göndərdi ki, belə bir müqavilə bağlansa sizi ədəm (yoxluq) diyarına göndərəcəm! Sözünə əməl də etdi... Müsəddiq iş başına gələndə söz vermişdi ki, İslam qanunlarına riayət edəcək. Sonra Nəvvaba xəbər çatdı ki, şərab zavodu açılıb. Oturub ağladı. Müsəddiqə etiraz etdi. Müsəddiq demişdi ki, iqtisdi vəziyyət ağırdır, bu işi görməyə məcburuq. Nəvvab Müsəddiqə qarşı qalxdı, 22 ay həbsdə qaldı. Həbsxanada hər gün 200 nəfər görüşünə gəlirdi, mübarizəni davam etdirirdi...
Mənə ən ağır sözü bu oldu ki, şəhid olsam ailə qur. Çox sarsıldım. Nəvvabın xanımı kiminlə ailə qura bilərdi?! Edam hökmü veriləndən sonra görüşdük, əlindən öpdüm, dedim səni Allaha tapşırıram... 15 dəqiqə görüş vermişdilər. Zabit gəldi ki, görüş vaxtı başa çatıb. Nəvvab ona elə qəzəblə baxdı ki, zabit yerində donub qaldı. Nəvvabın belə nüfuzlu baxışları vardı...

Vilayet.info


1749 بازدید
در حال ارسال اطلاعات...