Şrift ölçüsü:
A+
A
A-
Kr
02 Fevral 2016

"Əgər Allah dua qapısını açırsa, qəbul olunma qapısını bağlamır!"

İstəklərimiz bəzən bizim ziyanımıza olur və bu səbəbdən keçmir.
Allahın öz bəndələrinə dua etmələrini əmr etməsi, lakin onu qəbul etməməsi imkansızdır.
Buyurdu: “Allaha onun lütfündən istəyin” (Nisa, 32) Allah-Taaladan istəyin və öz ehtiyaclarınızı ondan umun. Əbu Həmzə Sumali duasında İmam Səccadın (ə) dilindən belə deyilir: “Sənin xüsusiyyətlərində belə bir şey yoxdur ki, istəməyə əmr edib, əta etməkdən çəkinəsən.” ("Bihar əl-ənvar", c. 90, səh. 82) Sən öz bəndələrinə istəməyi əmr edəsən, lakin onların istəyini yerinə yetirməməyi nəzərdə tutasan; bu imkansızdır. Allah-Taala mənə və sizə ondan istəməyimizi əmr edirsə, mənası budur ki, istəyimizi bizə verməkdə qərarlıdır. Buna görə hədisdə göstərilir ki, Allah-Taala dua qapısını açıb qəbul etmək qapısını bağlamaqdan daha səxavətlidir.
Əgər ürək Allah-Taalah yad etməklə özünü ətirləyib bəzəyə bilsə, şübhəsiz, onun üçün Allahın cavabı mümkün olacaq: “Mənə dua edin, Mən də sizin dualarınızı qəbul edim!” (Qafir, 60) Heç bir dua cavabsız qalmır. Cavabın mənası bu deyil ki, insanın istəyi mütləq təmin olunacaq. Mümkündür təmin olunsun, mümkündür bəzi səbəblərə və məsləhətlərə görə təmin olunmasın. Lakin Allahın cavabı və qəbul etməsi var. Allahın qəbul etməsi - Allahın cavabı, diqqəti və iltifatıdır. İstəklərimiz bəzən bizim ziyanımıza olur və bu səbəbdən keçmir. Amma sizin "ya Allah!" demənizin ardında, şübhəsiz, bir "ləbbeyk" vardır.

Ayətullah Seyid Əli Xamenei


2179 بازدید
در حال ارسال اطلاعات...