Şrift ölçüsü:
A+
A
A-
Kr
17 Fevral 2016

Çoxluğun sözü qozu gövhərə çevirməz!

İmam Kazimin (ə) ağıl barədə tövsiyələri
İmam Musa Kazimin dövrü müxtəlif düşüncə məktəblərinin genişləndiyi dövr idi. İmam Kazim (ə) həqiqi İslam maarifinin yaşaması üçün həm özü müxaliflərlə söhbətə qatılırdı, həm yetirmələrini bu işə təşviq edirdi.
Əhli-Beyt məktəbində tərbiyə almış ən dəyərli şagirdlərdən biri Hişam ibn Həkəm olub. Hişam əvvəl İmam Sadiqin (ə), sonra İmam Kazimin elmindən bəhrələnib.
“Kafi” kitabının ilk fəslində ağıl və cəhalətdən danışan hədis var. Həzrət əqli elmlər mütəxəssisi Hişama müraciətlə buyurur:
Ey Hişam! Allah Quranda ağıl və düşüncə əhlini müjdələyir: “Müjdələ
o bəndələrimi ki, sözə qulaq asıb onun ən yaxşısına tabe olurlar...” (Qurani-Kərim, Zumər surəsi, ayə 17,18)
Ey Hişam! Əql elmlə yanaşı olmalıdır. Allah Quranda buyurur: “Biz insanlara belə məsəllər çəkirik, amma yalnız alimlər dərk edir...” (Qurani-Kərim, Ənkəbut surəsi, ayə 43)
Quran çoxluğu məzəmmət edir: “Əgər yer üzündə çoxluğa itaət etsən, onlar səni azdırarlar. İnsanların çoxu zənnə uyar, təxmin edərlər.” (Qurani-Kərim, Ənam surəsi, ayə 116)
Ey Hişam! Camaatın sözünə, rəyinə etina göstərmə, öz rəyin olsun. Əlində qoz (kirdəkan) olsa və yetən desə ki, bəh-bəh, nə gözəl, nə qiymətli gövhərdir, onları sözü faydasızdır, qozu gövhərə çevirməz. Əlində gövhər olsa, yetən desə qozdur, sən öz ağlının hökmünə bax. Xalqın sözü gövhəri qoza çevirməz!

Vilayet.info


1306 بازدید
در حال ارسال اطلاعات...