Şrift ölçüsü:
A+
A
A-
Kr
25 Fevral 2016

Ruhaninin yeri minbər, səngər, yoxsa zindandır?

Ayətullah Mirza Cavad Ağa Tehrani...
Böyük arif Mirza Cavad Ağa Tehrani Şəhid Nəvvab Səfəvinin aşiqlərindən olub. Şəhid Nəvvab Səfəvi Nəcəfdə təhsil aldığı zaman məşhur müctehidlərin göstərişi ilə, İranda küfr təbliğ edən Əhməd Kəsrəvinin sorağına gəlir. Kəsrəvi vurulur, Nəvvab həbsə alınır. İkinci cəhddə Kəsrəvi qətlə yetirilir. Şəhid Nəvvabın bu və bu qəbildən barışmaz rəftarları sazişçi ruhanilər tərəfindən pislənir. Nəvvab fədailərlə birlikdə Məşhədə gələndə onun görüşünə gələn, kənarında əyləşən yeganə tanınmış alim Ayətullah Mirza Cavad Ağa Tehrani olur. Sonralar nə zaman Mirza Cavad Ağa Tehraninin yanında Nəvvabdan söhbət düşürsə, buyurur ki, Nəvvab özünü tərbiyə etmiş insandır...
Ayətullah Mirza Cavad Ağa Tehraninin elm və mərifəti barədə hekayətlər çoxdur. Bir məclisdə çay dolu stəkanı götürüb yanında əyləşən adama deyir ki, bir qurtum içib ötürün növbəti adama. Beləcə stəkandan hərə bir qurtum içir. Arif “möminin artığı (yeyib-içdiyindən qalan) şəfadır” kimi hədislərə əməldə rəftar edir... Müharibə zamanı cəbhəyə gedir. Xüsusi çəkiliş qrupu onun haqqında film hazırlamaq göstərişi alır. Bundan xəbər tutan alim kamera işə salınmazdan qabaq əmmaməsini götürür, görkəmini dəyişir ki, başqalarından seçilməsin. Beləcə, film çəkmək planları pozulur...


Vilayet.info