Şrift ölçüsü:
A+
A
A-
Kr
14 İyun 2016

Bekar mələk

Biz, Allahın lütf və rəhmətlərini Yer üzərindəki bəndələri üçün göndəririk.
Bir kişi yuxusunda mələkləri görür. O yaxınlaşıb mələklərin işləri ilə tanış olmaq istəyir. Əvvəl görür ki, mələklərdən böyük bir dəstəsi bərk işlə məşğuldur və Yerdən gəlmiş məktubları açır, sonra onları bir qutunun içərisinə qoyurlar. O mələklərdən soruşdu: - Sizin işiniz nədir? Mələklərdən biri işindən əl saxlamadan və məktubu aça-aça dedi: - Bura, qəbul bölməsidir. Camaatın Allahdan istədiklərini və dualarını təhvil alırıq.
Kişi bir qədər də irəli getdi. Yenə gördü ki, bir dəstə mələk məktubları zərfin içərisinə qoyur və onları məktub daşıyanların vasitəsilə Yerə göndərir. Kişi onlardan soruşdu: - Sizin işiniz nədir? Mələklərdən biri tələsik dedi: - Bura göndəriş bölməsidir. Biz, Allahın lütf və rəhmətlərini Yer üzərindəki bəndələri üçün göndəririk.
Kişi bir az da irəli getdi. O, bir mələklə qarşılaşdı. Mələk bekar oturmuşdu və bir işi yox idi. Kişi təəccüblə ondan soruşdu: - Sən nə üçün bekarsan? Mələk dedi: - Bura cavabların təsdiq bölməsidir. Duaları qəbul olmuş adamlar görək cavab göndərsinlər. Amma onlardan çox azı cavab göndərir.
Kişi yenə mələkdən soruşdu: - Camaat dualarının qəbul olunmasına aid cavabı necə göndərsinlər?
Mələk cavab verdi: - Bu çox sadədir. Bəs edər ki, desinlər: İlahi, şükür!


1513 بازدید