Şrift ölçüsü:
A+
A
A-
Kr
01 Noyabr 2013

Haram tikə

Fəzl ibn Rəbi deyir: Günah odur ki, insanın qarnına təsirlidir. Əmirəlmöminin Əli (ə) Malik Əştər Nəxəinin qəbiləsinin alim və böyüklərindən olan Şərik ibn Abdullah ibn Nəxəi haqqında buyurub: “İkinci bir ana tanımıram ki, onun kimisini dünyaya gətirsin. Həqiqətən də qiymətli insandır.”

Fəzl deyir: Bir gün Şərik ibn Abdullahı Harundan qabaq olmuş Mehdi Abbasinin sarayına gətirirlər. Mehdi Abbasi ona deyir: Şərik! Bu üç işdən birini qəbul etməsən, saraydan getməyinə icazə verməyəcəm: ya bu ölkədə məhkəmə rəisi olmalısan, ya mənim uşaqlarıma müəllimliyi qəbul etməlisən, ya da bu gün bizimlə nahar yeməyində iştirak etməlisən. Şərik ibn Abbas dərin fikrə gedib fikirləşir ki, əgər bu üç təklifin heç birini qəbul etməsə Mehdi Abbasi əmr edəcək ki, onun boynunu vursunlar. O da şəhidlik məqamına çatacaq.
Şərik cavabında dedi: Məhkəmə rəisliyini qəbul etməklə özümü cəhənnəmin bir addımlığında görürəm. Uşaqlarına müəllimliyi də qəbul etmirəm…
Şərik fikirləşir ki, məndən dərs alan bu uşaqlar sabah ataları öləndə onun yerinə keçib hamıya zülm edəcəklər. Mən zalım yetişdirə bilmərəm. Amma bir nahar yeməyinə qonaq olub yeməyin eybi yoxdur deyib bunu qəbul edir.

Mehdi Abbasi baş aşbazı çağırıb ona əmr edir ki, beyin, sümük və şəkərdən bir neçə növ yemək bişirsin. Baş aşbaz bu işlərdən xəbərdar olduğu üçün gedir və iki saatdan sonra qayıdıb deyir: Yemək hazırdır, süfrəyə buyura bilərsiniz və yavaşdan Mehdi Abbasiyə pıçıldayır ki, əgər Şərik bu yeməkdən yesə yoldan çıxıb bədbəxt olacaq.
Şərik ibn Abdullah bu yeməyi yedikdən sonra həm məhkəmə rəisliyni qəbul edir, həm də Mehdi Abbasinin uşaqlarına müəllimliyi qəbul edir. Çünki haram tikə insanın daxilində olan ilahi nuru tamamilə aradan qaldırır və sonda onu məhv edir.

Bir aylıq maaşını almaq üçün onu bir bankirin yanına göndərirlər. Bankir ona deyir: Maaşının bir miqdarını indi verirəm, bir hissəsinin əvəzinə bir az mal verəcəm, qalanını da bir neçə gündən sonra gəlib apararsan. Amma o israr edir ki, maaşımı nağd verməlisən. Bankir əsəbləşib deyir: Məgər qiymətli kətan parçası satmısan ki, pulunu nağd istəyirsən? Cavab verir: Xeyr! Parçadan da qiymətli olan dinimi satmışam.

Bu ibrətamiz hekayə bizə xəbərdarlıq edir ki, haram yemək dinini satmağa bərabərdir. Haram yeməyin, haram geyinməyin, haram evdə yaşamayın, haram peşə seçməyin, haram işi qəbul etməyin, rüşvət almayın, qəsb olunmuş mal dalıyca getməyin və beytül-maldan oğurluq etməyin. Bu işlər bais olur ki, insan dinini satsın.

Nur-az.com
Dilimizə çevirdi R. Hüseynov


2071 بازدید