Şrift ölçüsü:
A+
A
A-
Kr
02 Oktyabr 2014

İŞİD Argentina prezidentini hədələyir

Bu günlərdə mətbuatda manşet xəbərlərdən biri Argentina prezidenti xanım Kristina Fernandez de Kirşnerin terrorçu İŞİD tərəfindən hədələnməsi olub. İŞİD-i qəzəbləndirən Argentina prezidentinin ABŞ və Qərbin siyasətlərini hədələməsidir. Sözdə müsəlmanların himayəçisi kimi çıxış edən İŞİD dünya müsəlmanlarının mənafelərini hədələyən bir saylı faktordur. Bir zaman Taliban və Əl-Qaidə hazırda İŞİD-i bəhanə edən ABŞ müsəlman torpaqları üzərində nəzarətini davam etdirir.
Başqa prezidentlərdən cəsarəti ilə seçilən Kristina Fernandes bu günlərdə BMT-nin Baş Assambleyasında Amerikanın siyasətlərini sərt tənqid edib. Xanım prezidentin çıxışı auditoriyada sürəkli alqışlarla müşayiət olunub. Kristina Kirşner deyib ki, terrorizmlə mübarizə üçün yeni müharibələr başlamaq yox, sülh göyərçinlərindən istifadə etmək lazımdır. Kirşnerin çıxışını diqqətlə dinləyən ABŞ prezidenti Obama həmin yığıncaqda deyib ki, söz başa düşməyən terrorçuları fiziki məhv etmək lazımdır. Kirşnerin çıxışı 35 dəqiqə çəkib. Argentina prezidenti Amerikanın dünyada göbələk kimi cücərən xeyiriyyə fondları və bu fondların himayə etdiyi QHT-ləri ölkələri dağıdan mərmi adlandırıb. Xanım Krişner bu fondları terorrçu adlandırıb. Kirşner fondları himayə edən ABŞ ali məhkəməsi, xüsusi ilə hakim Tomas Qriesi terrorçu adlandırıb.
Toplantıdan sonra mətbuat konfransı keçirən xanım Kirşner Ağ Evi Benladenin qətlinə görə ittiham edib. Kirşner deyib ki, minlərlə insanın ölümündə müqəssir Benladen mühakimə olunmalı, onun əsl ağaları üzə çıxmalı idi. Kirşner terrorşularla terrorçu kimi davranışı yolverilməz sayıb. Argentina prezidenti deyib ki, Benladenin likvidə əməliyyatının Obama və çevrəsi tərəfindən monitorda izlənməsi və dünyaya nümayiş etdirilməsi onu dəhşətə gətirib. Xanım Kirşner iki ölkə arasında münasibətlərin qənaətbəxş olmadığını vurğulayıb. O dyeib ki, yaxın keçmişdə ABŞ səfiri XİN-ə çağırılıb və ona Argentinanın daxili işlərinə qarışdığı üçün xəbərdarlıq edilib. Xanım Kirşner Argentina ilə ABŞ arasında münasibətlərin yaxşılaşması üçün güzəştə getmək lazım olduğunu deyib və bildirib ki, heç bir tərəfdən belə bir güzəştə ümid etmir.

***

Kristina Fernandesin BMT-dəki çıxışları, ABŞ və müttəfiqlərini ikili siyasətdə ittiham etməsi, Fələstin və Suriya problemlərinin həllinə böyük dövlətlərin mane olduğunu dilə gətirməsi super dövlət başçılarını təşvişə salıb.
Argentina prezidenti 24 sentyabrda BMT təhlükəsizlik şurası və BMT Baş Assambleyasında ABŞ, Qərb və İsrailin işğalçı siyasətləri üzərindən pərdələri qaldırıb. Kirşnerin çıxışları dünya informasiya şəbəkəsinə nəzarət edən super güclər tərəfindən baykot edilib, işıqlandırılmayıb.
Fars İnformasiya Agentliyi Argentina prezidentinin rəsmi saytında yer almış İspan dilində çıxışı xülasə şəkildə oxucuların diqqətinə çatdırır.
Kristina Fernandes Təhlükəsizlik Şurasındakı çıxışında ABŞ-ı, Amerika ölkəsi kimi yada salaraq bu qitəyə qarşı terror təhlükəsindən danışıb. Kirşner belə bir sual ünvanlayıb ki, nə üçün İranla müzakirələr müsbətə doğru getdiyi bir vaxtda ABŞ daxilində və xaricdəki bir sıra qüvvələr aranı qatışdırır? 1992-ci ildə Argentina paytaxtında İsrail səfirliyinin, 1994-cü ildə yəhudi mərkəzinin partladılmasını xatırladan Argentina prezidenti deyib: “Partlayışlardan sonra hamıda belə bir fikir yaratdılar ki, bu partlayışı Hizbullah həyata keçirib. 2006-cı ildə Argentina Ali Məhkəməsi Amya yəhudi mərkəzinin partladılması hadisəsinin araşdırılması üçün xüsusi qrup yaratdı. O zaman mən də inanmışdım ki, bu partlayışı Livan Hizbullahı həyata keçirib. 20 il öncə araşdırmalar belə bir məruzə ilə başa çatdı ki, hadisəyə görə Tehranda yaşayan səkkiz İranlı müqəssirdir. İran İslam Cumhuriyyətindən bu işdə həmkarlıq istənildi. Hətta mühakimənin ədalətli aparılması üçün üçüncü ölkə variantı təklif olundu. 2012-ci ildə İran xarici işlər naziri bizə ikitərəfli danışıqlar təklifi ilə müraciət etdi. 2013-cü ildə Tehrandakı müttəhimlərdən ifadə alınması ilə bağlı anlaşma əldə olundu. Argentinada saxlanılmayan, ölkədə olmayan şəxsi mühakimə etmək mümkün deyil. Bizim qanunlara görə bir şəxsi danışdırmadan onun haqqında hökm çıxarmaq olmaz.
Fernandes İranla razılaşmalardan sonrakı vəzyətlə bağlı deyir: Tehranla razılaşmalardan sonra Argentinadakı ictimai təşkilatlar İranla danışıqlara görə bizi ittiham etdi. Bizdə şübhə yaranmışdı ki, İran Argentina ilə İsrail arasındakı münasibətləri pozmaq fikirində ola bilər. “Vulture Fund” adlanan fond ABŞ konqresi ilə birləşərək təbliğata başladı. Onlar öz saytlarında mənim cənab Əhmədinejatla yanaşı şəkilimi yerləşdirərək bizi terrorçu saydıqları dövlətlə həmkarlıqda ittiham etdilər. Bizi ittiham edirdilər, özləri İranla əlaqə qurmağa çalışırdılar. Bəli, ABŞ-ın təlaşları ilə xarici işlər nazirləri səviyyəsində görüşlər baş tutub. Bizdə məlumat var idi ki, ABŞ xarici işlər naziri Con Kerri İŞİD probleminin həlli üçün cənab Zəriflə görüşüb. Biz buna etiraz etmirik, dialoqlar həmişə yaxşıdır. Sual budur ki, nə üçün bizim İranla əlaqəmiz terrorçu dövlətlə əlaqə sayılır, ABŞ-ın əlaqəsi yox. Bu gün məni Fələstini müdafiə etdiyim üçün İŞİD hədələyir. Roma Papası ilə dostluğum, Fələstinlə İsrail arasında razılaşma əldə olunması istəyim, İŞİD-i qəzəbləndirir. Düşünürəm ki, terrorizmlə mübarizə Suriya xalqının himayəsi ilə mümkündür. Ötən il Rusiyada 20-lərin görüşündə Suriya dövlətini təhlükə kimi yada saldılar. Dedilər ki, müxalifətçi Azadlıq Ordusu bu təhlükə ilə vuruşur. İndi şahid oluruq ki, həmin Azadlıq Ordusunun əksər fəalı İŞİD-in üzvüdür. Bu terrorçu müxalifəti kim silahlandırır? Mənim ölkəm heç silah istehsal etmir. Terrorizmi tanımaq üçün kənardan hökm vermək yox, bir ölkədə baş verən hadisələri araşdırmaq lazımdır. Əgər yaxın gələcəkdə İŞİD məhv edilsə onun yerinə yeni bir adda başqa qrupun gəlməsindən təəccüblənməməliyik. Nə qədər ki, adı terrorizmlə mübarizə olan tədbirlərdə amansızlıq müşahidə olunur, terrorizmin kökü kəsilməyəcək.
Xanım Fernandes BMT Baş Assambleyasındakı çıxışında öz ölkəsinin terrora məruz qalmış ölkə olduğunu vurğulayaraq deyib: Bu il 1992-ci il və 1994-cü il terror hadisələrini yada salırıq. Mən bu hadisələrdə Qurban vermiş ailələri əmin edirəm ki, bizim dövlət müqəssirləri tapmaq üçün əlindən gələni edib və edəcək. Biz hələ 2006-cı ildə istintaq araşdırmaları üçün İranla həmkarlığa başladıq, təəssüf ki, bu həmkarlığa maneçilik törədildi. Nəhayət İran tərəfi ilə razılığa gəlmişik və müsbət nəticə əldə olunacağına inanırıq. Biz İranla həmkarlıq razılığına gələndən sonra yəhudi təşkilatlarının hücumuna məruz qaldıq. Sanki daxili və xarici şeytanların zənciri qırıldı. Ötən illərdə bizimlə yaxın rabitə saxlayan yəhudi təşkilatları birdən birə argentinanın düşməninə çevrildilər. Bizi İranla həmkarlıqda ittiham edirlər. Problemlərdən biri də Vulture Fund təşkilatının ABŞ konqresində bizə qarşı lobbi yaratması oldu. Onlar danışarkən İran İslam Cumhuriyyəti yox, terrorçu dövlət deyirdilər. Lobbi yaratdılar, saytlarında mənə qarşı təbliğat apardılar. Amma bugün özləri İranla müzakirələrə can atır. Buna qarşı deyiləm, argentina dövləti hər zaman müzakirə tərəftarı olub. Amma deməliyəm ki, bu həmin Amerikadır: Dünən İranı terorçu, İŞİD-i azadlıq ordusu adlandıran ABŞ! Bu gün sualım budur ki, ötən il İranı terrorçu adlandıranlar bugün ona necə müraciət edir? Onlar ötən il bugün İŞİD sıralarını təşkil edənləri azad müxalifət adlandırır, onların Bəşar Əsədə qarşı fəaliyyətlərini himayə edirdilər. Deməliyəm ki, böyük dövlətlər üçün terrorizm, dost-düşmən sözləri sabit deyil, daim dəyişir. Terror cəbh