Şrift ölçüsü:
A+
A
A-
Kr
05 Oktyabr 2014

Dr. Səmədova qarşı təzyiq Azərbaycan ruhanilərinə təzyiqdir

Böyük əxlaq müəllimi kimi tanınmış mübariz ruhani Hacı Mövsüm Səmədov saxta ittihamlar əsasında 12 il azadlıqdan məhrum edildikdən sonra ona həbsxanada edilən təzyiqlər günbəgün artmaqdadır. Belə ki, siyasi bəsirətə malik olan mübariz ruhani Mövsüm Səmədov ölkədə mövcud dözülməz vəziyyətlə bağlı tarixi tənqidi çıxışından sonra məhbus həyatı yaşamaq şərəfinə nail oldu.
Böyük ustad həbsxana həyatının ilk günündən başlayaraq müqəddəs İslam dininin müdafiəsindən və təbliğindən əl çəkmədi. Doktor Səmədov harada oldusa həmin yeri mədrəsəyə çevirdi, İmam Məhəmməd Baqir (ə) kimi zindanda məhbusları maarifləndirib onlarda inqilabi ruhiyyə yaratdı.
Mövsüm Səmədovun həbsxanadakı fəaliyyətləri əsasən işğalçı sionist rejiminin ifşasından ibarət idi. Belə ki əldə olunan məlumata əsasən, Hacı Mövsümün Qüds günlərində keçirtdiyi etiraz yığıncaqlarında yüzlərlə məhbus iştirak etmişdi. O, dini təbliğ etməklə yanaşı həbsxanada narkotik maddələrin satışı ilə ciddi mübarizə aparırdı.
Bəsirətli ustad həbsdə olmasına baxmayaraq dünyada gedən proseslərdən xəbərsiz qalmırdı və lazım gələn zaman öz münasibtələrini məktub vasitəsilə Azərbaycan xalqına çatdırırdı. Qeyd etdiyimiz və digər fəaliyyətlər səbəb oldu ki, Mövsüm Səmədova qarşı təzyiqlər artdı.
Dünya mənafelərini qoruyan, özlərini güc sahibi sayanlar Mövsüm Səmədovun vücudunu özləri üçün böyük təhlükə hesab edirdilər.
Gündüzlər oruc tutub, Allahın dinini təbliğ edən, gecələrini ibadətə məşğul olub, şam kimi əriyən mübariz ruhanini karsa salmaqla əzmini qırmaq istədilər. Amma Hüseyn (ə) məktəbindən dərs almış İmam Zaman (ə) əsgərinin polad iradəsi, yüksək mübarizə ruhiyyəsi ona xatırladırdı ki, bu təzyiqlər Allah yolundadır və gözəllikdən başqa bir şey deyil!
Repressiyalar davam edir, məhbusla görüşlər qadağan edilir, mübariz ruhani müxtəlif bəhanələrlə tez-tez karsa salınır, nəhayət onu 12-ci zona köçürüb yenidən karsa salırlar. İndi də xəbər tuturuq ki, Hacı Mövsüm Qobustan qapalı cəzaçəkmə müəssisəsinə köçürülüb.
Əziz müsəlmanlar, dostlar, bacılar və qardaşlar! Bilməliyik ki, İslam dininə və şiəliyə qarşı bütün təzyiqlər işğalçı, uşaq qatli sionist İsrail rejimi tərəfindən vətənimiz Azərbaycana diktə olunmuş planların tərkib hissəsi sayılacaq cinayətlərdəndir.
Biz Hacı Mövsüm Səmədova qarşı təzyiqləri bütün Azərbaycan ruhanilərə qarşı təzyiq kimi dəyərləndiririk. Azərbaycan hökumətini İslam alimləri və möminləri tez bir zamanda zindandan azad edib, repressiyalara son qoymağa çağırırıq.
Üzümüzü bütün müsəlman xalqımıza tutub qeyrətli xalqımızı İslam dininin və onu düzgün şəkildə təbliğ edən ruhanilərin arxasınca gedib onların hüquqlarını müdafiə etməyə, zindanda olan bütün ruhanilərimizi və möminləri unutmamağa, onların azadlığı uğrunda mübarizəyə çağırırıq. Əks halda Allahın ağır əzabı intizarında olmalıyıq.

Tohid İbrahimbəyli
Müqəddəs Məşhəd Elm Hövzəsi


1716 بازدید
در حال ارسال اطلاعات...