Şrift ölçüsü:
A+
A
A-
Kr
02 Dekabr 2013

Bağışlayın ki, sakitləşəsiniz!

İntiqam, qisas təskinlik versə də, bu təskinlik davamsız və aldadıcıdır. İnsanların işi zəif olur, Allaha tapşırılmır. Yaxşı olar ki, bağışlayan olasınız. Yox, əgər intiqam almaq istəsən Allaha tapşır.

Tarixi bir nümunəyə diqqət edin:

Nəql olunur ki, mərhum Şahabadi (r) bəzən o adamlar ki, onu təhqir və ya ehtiramsızlıq edərmiş, onlara sakitliklə cavab verərmiş. Həqiqətdə onların təhqirinə təhqirlə cavab verərmiş. Əlbəttə, qarşı tərəf onun səsini eşitməzmiş. Mərhum Şahabadinin övladı bunun səbəbini atasından soruşur. Siz ki mənəvi məqam sahibisiniz, niyə bu işi görürsünüz? Atası cavab verir: Oğlum, mən o gündən ki Allahın intiqamını öz gözümlə gördüm, qərara gəlmişəm ki belə edim.

Məsələ belə olub. Bir gün ümumi hamama getmişdim. Suya daxil oldum. Bu zaman su sıçrayaraq Pəhləvi (İran şahı) rejiminin zabitlərindən birinin üzünə töküldü. O bu işdən bərk əsəbləşib məni təhqir etdi. Mən orda olanların yanında onun cavabını verə bilməsəm də astadan, səni Allaha tapşırıram dedim. Hamamdan çıxıb evə gəldim. Bir saatdan sonra bir nəfər bizə gəlib məndən istədi ki onunla hamama gedim. Səbəbini soruşdum. Dedi: O zabit hamamın pillələri ilə yuxarı gəlmək istəyəndə yerə yıxılıb və dili tutulub! Eynən anadagəlmə lal kimi olub! Əl işarələri ilə məndən bağışlamamı istəyirdi. Dua etdim. Allahdan istədim ki onu bağışlasın. Duamı qurtaran kimi onun dili açıldı və ayağıma düşüb yalvarırdı.

O gündən hər kim mənə qarşı ədəbsizlik və ya təhqir etsə, daha onu Allaha tapşırmıram. Özüm yavaşca cavabını verirəm ki, Allah ondan intiqam almasın. Allah böyük intiqam alandır.

Nur-az.com
Dilimizə çevirdi: R. Hüseynzadə