Шрифт өлчүсү:
А+
А
А-
29 Март 2015

Вәтәндашы сәфил вәзијјәтә салыб өлкәни футболчу көјнәјиндә реклам етмәк сијасәти

Һакимијјәтин 70 милјонлуг “сәхавәт”и

Азәрбајҹан һакимијјәтинин јыртыҹы маһијјәти һәр өтән ҝүн даһа габарыг шәкилдә һисс олунур. Даһа дәгиг ифадә етсәк, һакимијјәт өлкәнин сәрвәтләрини дә аналогсуз талан едир. Милјардлары хәрҹләјәндә дә имтиасија етмәк истәмирләр. Ачыг шәкилдә дејирләр ки, биз бүдҹәдәки милјардлары Азәрбајҹан халгындан башга истәнилән халгын нүмајәндәсинә, истәнилән өлкәнин чичәкләнмәсинә хәрҹләјә биләрик. Утанмадан бу бәдхәрҹлији Азәрбајҹанын тәблиғаты, инкишафы кими тәгдим едирләр. Сон вахтлар исә өлкәнин милјонлары хариҹи футбол клубларына хәрҹләнир. Ҝуја бу футбол клублары Азәрбајҹаны реклам едәҹәк вә халгымыз бу рекламдан фејзијаб олаҹаг.
Белә ки, әввәлҹә Ыспанијанын “Атлетико” клубуна 20 милјон әрмәған етдиләр. Әвәзиндә исә футболчуларын көјнәјиндә “Азербаиҹан ланд оф фире” јазылды. Ардынҹа Азәрбајҹанлы олигарх Һафиз Мәммәдова мәхсус Франса футбол клубу “Ланс”а 10 милјон авро малијјә јардымы едилди. Буҝүнләрдә исә Азәрбајҹан һакимијјәти Ыталијанын “Латсио” футбол клубуна спонсорлуг етмәк гәрары верди. Рома клубу илә 40 милјон долларлыг мүгавилә имзаланмасы нәзәрдә тутулуб. Хәбәрдә дејилир ки, бу әмәкдашлығын биринҹи мәрһәләсиндә “Латсио” тәхминән 12 милјон авро газанаҹаг. Мүгавиләнин шәртләринә әсасән, “Латсио” футболчуларынын формасында бу илин ијунунда Бакыда кечириләҹәк Авропа Ојунларынын рекламы олаҹаг. Көјнәкләрин үстүндә әввәлҹә “Баку-2015", бир мүддәт сонра исә ”Азербаиҹан - Ланд оф Фире" (Азәрбајҹан - Одлар Јурду) јазылаҹаг.
Ҝөрүндүјү кими “сәхавәтли” һөкумәтимиз футболчуларын көјнәјиндә Азәрбајҹанын реклам олунмасы үчүн 70 милјон авро пулу “гәтлә” јетириб. Тәсәввүр един ки, Азәрбајҹаны коррупсија, сахтакарлыг, һүгугсузлуг үзрә “дүнја чемпиону”на чевирмиш һакимијјәт, инди өлкәнин рекламы илә мәшғул олмаг гәрары вериб. Һеч кимә сирр дејил ки, бу 70 милјонлуг оғурлуғун мәгсәди Азәрбајҹанын имиҹини јүксәлтмәк дејил. Һакимијјәтин шәхси марагларыны тәмин етмәк, јеҝанә мәгсәддир. Әкс һалда, өлкәдә 100-ләрлә сијаси мәһбус олмазды, игтисадијјатын бүтүн саһәләри мәмурларын нәзарәтинә кечмәзди, Гарабағ газиләри интиһара мәҹбур едилмәзди, шәһид аиләләринин сосиал сығорта һаггы мәнимсәнилмәзди, өлкәнин милјардлары офшорлара дашынмазды, өлкәнин тәһсили, сәһијјәси, һүгуг системи дағыдылмазды, сүлалә һакимијјәти јаранмазды вә с.
Ҝөрүндүјү кими, һакимијјәт өлкә вәтәндашыны диләнчи, фәһлә, кредит борҹунун ҝирову, сијаси мәһбус кими реклам едәндән сонра, Азәрбајҹаны футболчу көјнәјиндә реклам етмәк гәрарына ҝәлиб. Мүәллими 150-200 манатла сынаға чәкиб, тәгаүдчүјә 70 гәпиклик мааш артымы едиб, тәһсил һаггыны 4000 маната галдырыб, өлкәјә ҝәтирилән мәһсуллары 20 дәфә баһа гијмәтә сатыша чыхарыб, сонра Азәрбајҹаны 70 милјон пул гаршылығында реклам етмәк тарихи “шедевр”ди.
Дүнја мәтбуаты Азәрбајҹандакы ганунсузлуглардан, инсанларын шәрләниб һәбс едилмәсиндән, һаким аиләјә мәхсус ширкәтләрдән јазыр. Бу биабырчылыглара сон гојмаг, Азәрбајҹанын пис рекламына сәбәб олмуш “әнәнә”ләрдән әл чәкмәк әвәзинә, Ыспанијалынын, Ыталијалынын, Франсалынын көјнәјиндә “Азәрбајҹан” јаздырыр. Бу, ана сеҝаһына гулаг асыб ағладыгдан сонра, анасыны дөјән адамын вәзијјәтини хатырладыр. Азәрбајҹаны гејри-азад өлкәләрин сијаһысына салыб, өлкәдәки бүтүн структурлары коррупсијалашдырыб, өлкәјә дахил олан 100 милјардларла нефт пулуну шәхси ҹибләрә ахыдандан сонра, “Азәрбајҹаны тәблиғ едирик” шүары илә чыхыш етмәк хүсуси “баҹарыг” тәләб едир.
Авропа дәјәрләриндән имтина едиб, дүнјанын нүфузлу тәшкилатларына “ермәнипәрәст” дамғасы вуруб, Русија кими авторитар режимләрин һимајәсинә сығыныб, сонра Азәрбајҹаны мүсбәт мәнада реклам етмәк мүмкүн дејил.
Азәрбајҹаны дүнјада вәтәндашын рифаһы, ганунларын алилији, сечкиләрин шәффафлығы, сосиал әдаләтин олмасы илә реклам еләмәк лазымдыр. Әслиндә, бу футбол клубларына 70 милјон пул хәрҹләнмәси, Азәрбајҹан һакимијјәтинин маһијјәтини ортаја гојур. Мәлум олур ки, бу һакимијјәт үчүн вәтәндаш Ыспанија, Франса, Ыталија футболчусунун көјнәји гәдәр дә дәјәрли дејил.
Öлкәдә мүалиҹәјә еһтијаҹы олан нә гәдәр имкансыз шәхс, 100 минләрлә евсиз аилә, тәһсил һаггыны өдәјә билмәјән 10 минләрлә тәләбә, кредит борҹуну өдәјә билмәдијинә ҝөрә һәбс олунан аилә башчылары вар. Бу милјонлары јаралы јерләрин сағалдылмасына сәрф етмәк лазымдыр. Јаралы инсанлара аҹыг вериб, бүдҹәси милјонларла өлчүлән командалара пул јатырмаг, мәнәвијјатсызлыгдыр.
Бир сөзлә, Авропа ојунларына 8 милјард хәрҹләјиб, ардынҹа өлкәмизә ҝәләҹәк һејәтин бүтүн хәрҹләрини өдәмәк өһдәлији ҝөтүрүб, даһа сонра хариҹи футбол клубларына 70 милјон һәдијјә етдиләр. Баш верәнләрин бир изаһы вар. Бу һакимијјәт халга нифрәт еләјир вә халгы даһа да сәфил вәзијјәтә салмаг үчүн әлиндән ҝәләни әсирҝәмир. Әслиндә бу хәрҹләрин һамысы Азәрбајҹаны зај мәһсула чевирмәјә хидмәт едир./азадлыг/


4484 بازدید
در حال ارسال اطلاعات...