Шрифт өлчүсү:
А+
А
А-
05 Апрел 2019

Бәдән үзвләринин инсанын әлејһинә шаһидлик етмәси

Еј Аллаһын бәндәләри, билин ки, сизә өзүнүздән олан ҝөзәтчиләр вә әндамыныздан олан ҹасуслар гојулуб
وَيَوْمَ يُحْشَرُ أَعْدَاءُ اللَّهِ إِلَى النَّارِ فَهُمْ يُوزَعُونَ حَتَّىٰ إِذَا مَا جَاءُوهَا شَهِدَ عَلَيْهِمْ سَمْعُهُمْ وَأَبْصَارُهُمْ وَجُلُودُهُمْ بِمَا كَانُوا يَعْمَلُونَ

"Аллаһа јағы кәсиләнләр Ҹәһәннәмә (сүрүкләниб) топланылаҹаглары ҝүнә гәдәр (бир јердә) сахланаҹаглар. Нәһајәт, онлар ораја ҝәлдикләри заман гулаглары, ҝөзләри вә дәриләри етдикләри әмәлләр барәсиндә онларын әлејһинә шаһидлик едәҹәкдир." (Фуссиләт, 19-20).

Изаһ: Гијамәт мәһкәмәсинин хүсусијјәтләриндән бири одур ки, ҝүнаһкар һәм мәһкумдур, һәм һакимдир, һәм дә өз әлејһинә шаһиддир. Гуран Гијамәт ҝүнү чох сајда шаһидләрин олаҹағыны билдирир. Онлара нүмунә олараг, башда Ислам пејғәмбәри (с) олмагла пејғәмбәрләри, имамлары, илаһи өвлијалары, јери, әмәлләри јазан мәләкләри ҝөстәрмәк олар. Бу ајәләрдә дә бу мөвзуда башга бир шаһиддән сөһбәт ачылыр вә о инсанын өз бәдән үзвләридир. Бир ҝүн ҝүнаһ етдији бәдән үзвләри онун әлејһинә шаһидлик едәҹәкләр. Ҝүнаһкар һејрәтлә онлардан сорушаҹаг ки, нә үчүн онлары әзаба дүчар едәҹәк шејә шаһидлик едирләр? Бәдән үзвләри ҹаваб олараг дејәҹәкләр: “Аллаһ бизи данышмаға вадар едир вә о һәр шејә гадир вә һәр шејдән хәбәрдардыр.

Һәдис:
Имам Әли (ә): “Еј Аллаһын бәндәләри, билин ки, сизә өзүнүздән олан ҝөзәтчиләр вә әндамыныздан олан ҹасуслар гојулуб. (Мәләкләрдән ибарәт) горујуҹулар вар ки, сизин әмәлләринизи вә нәфәсләринизин сајыны там дәгиглији илә гејдә алырлар (јазырлар).” (Нәһҹүл-бәлағә, хүтбә: 157).


2260 بازدید
در حال ارسال اطلاعات...