Шрифт өлчүсү:
А+
А
А-
03 Март 2020

Бу дәфә Әрдоған ҝәлиб ҝедәндән сонра руһанимиз һәбс едилди

Һәр дәфә өлкәмизә һансыса сионист рәсмиси ҝәлиб ҝедәндән сонра бир руһани, диндар оғурланыр, гачырылыр, һәбс едилир, јахуд дини мүстәвидә гадағалар мејдана чыхырды. Бу сәфәр бир гәдәр фәргли олду. Бу дәфә сионист рәсмиләри јох гејри-рәсми сионист олан Әрдоған Азәрбајҹана ҝәлиб ҝедәндән сонра бир руһанимиз даһа һәбс едилди.

Әрдоған Суријаја нечә ҝүндүр ки, ҝириб. Билир ки, бүтүн дүнјада вә хүсусән өлкәсиндә гынаглара туш ҝәлиб. Бундан әлавә Азәрбајҹан кими бир јердә дә онун гынанмасы бөјүк еһтималдыр. Гынаныб да.
Азәрбајҹана ҝәләндә исә Илһам Әлијевә тәсбеһ бағышлады. Бу да Аллаһ билир бир ишарә иди буна ки, өлкәдә тәсбеһ әһлиндән кимләрисә һәбс еләсинләр.

Беләликлә дә АИП сәдр әвәзи Һаҹы Илһам һәбс едилди. Һалбуки бундан бир нечә ҝүн габаг диҝәр руһани Шејх Сәрдар һәбсдән тәзә чыхмышды. Хатырлајырсынызса ону да иҹра башчысы намаз гылдығы үчүн шәрләмишди. Өзү дә мәнтәгәләринә сионсит нүмајәндәси ҝәлиб ҝедәндән сонра.

Билмәк олмаз, ҝөрүнүр Азәрбајҹан диндарларыны, јәни шиәләрини бөјүк сынаг ҝөзләјир. Илһам Әлијевә Һаҹы Илһам Әлијеви тутдуранлар бир ҝүн тәбии ки, Илһам Әлијевин өзүнү дә тутаҹаглар.
Бурада бир мәсәлә вар. Нормалда һансыса мүсәлман өлкәсинә һансыса мүсәлман дөвләт башчысы ҝәлиб ҝедәндән сонра о өлкәдә динә рәғбәт даһа чох артмалыдыр. Мәсәлән, Әрдоған Пакистанда ҝедиб ҹамаат намазына гошулду. Пишнамаз она деди ки, сән олан јердә мән пишнамаз дајанмаг истәмирәм. Амма нәһајәтдә дајанды вә Әрдоған онун архасында намаз гылды. Әрдоғанын заһиринин диндар олмасы да кимсә ҝизли дејил. Адам намаз гылыр, Гуран охујур, өзү дә илаһијјат факултәси охујуб. Сурија әвәзинә Гарабаға ҝирмәли олдуғу һалда Гарабағы веҹинә алмамасы азмыш кими Аәзрбајҹана - башга бир мүәслман өлкәсинә ҝәлиб ҝедәндән сонра өлкәдә динә рәғбәт артмаг әвәзинә диндар бир руһани һәбс едилир. Чүнки биздә анормаллыг баш алыб ҝедир. Бунун адыны нә гојмаг олар? Демәјин ки, адамын ајағы бәддир, адамын хисләти бәд, нијјәти гарадыр.

Тәбии ки, Һаҹы Илһам Әлијев сахта иттиһамла 4 ај һәбс едилиб. Өзү дә ҝүја дөвләтә хәјанәт маддәсијлә. Күл белә дөвләтин башына ки, она “хәјанәт” едәнә 4 ај һәбс ҹәзасы верирләр. Бу да ондан хәбәр верир ки, ортада әслиндә ҹинајәт филан јохдур. Садәҹә шиәләри јохламаг, вәзијјәти нәзарәтә алмаг, ҝәләҹәкдә Әрдоғана Суијада көмәк үчүн азәрбајҹанлы ҝөндәрилмәси еһтималы олдуғу һалда шиәләрин етираз етмәсинин гаршысыны бу ҹүр јолларла алмаға чалышдыглары мүһтәмәлдир. Јохса һансы дөвләтдә дөвләтә хәјанәтә ҝөрә 4 ај һәбс верирләр? Әкс һалда, һеч нә демәсәјдиләр дә, елә-белә һәбс етмәк дә мүмкүн дејил ахы.

Одур ки, Һаҹы Илаһм Әлијевин азадлығыны тәләб едир, Аллаһдан залымлара ләнәт арзу едирик.


606 بازدید
در حال ارسال اطلاعات...