Шрифт өлчүсү:
А+
А
А-
04 Август 2017

УММУ ӘБИҺА - ШЕИР

Јашы аз олса да, амма гәми дағ, Фатимәнин,
Вардыр он бир нәфәр өвлады чыраг, Фатимәнин.

Динә, Ислама ҝөрә ҹаныны гурбан еләди,
Һагг сәсин галдырараг залыма үсјан еләди.
Ады мөмин оланын бир чоху күфран еләди,
Гәними олду нечә үздән ираг, Фатимәнин.
Јашы аз олса да амма гәми дағ, Фатимәнин,
Вардыр он бир нәфәр өвлады чыраг, Фатимәнин.

Һәлә әввәлдә ҝөрүб зүлмүнү сүфјаниләрин,
Ады диндар, өзү шејтан кими чох ҹаниләрин.
Күфрүн әввәл јарадан бүнөврәсин, баниләрин,
Олду дүшмәнләри "әсһаб" ады алтында јамаг, Фатимәнин.
Јашы аз олса да, амма гәми дағ, Фатимәнин,
Вардыр он бир нәфәр өвлады чыраг, Фатимәнин.

Јанды Пејғәмбәр еви од тутараг ашкарда,
Белә "әсһаблара" ләнәт, ҝөрүнүбдүр һарда?
Һәлә вар бунлара рәһмәт охујан кор,кар да,
Ҹаван икән мәриз олду, ҹаны сағ Фатимәнин.
Јашы аз олса да, амма гәми дағ, Фатимәнин,
Вардыр он бир нәфәр өвлады чыраг, Фатимәнин.

Деди Пејғәмбәримиз: "Фатимә ҹанымды мәним,
Онун гәзәбилә гәзәбләнәр Худаји-Кәрим,
Она ким зүлм еләсә, ичәр Ҹәһәннәмдә һәмим,
Дишләјәр дүшмәни орда әл-ајаг Фатимәнин."
Јашы аз олса да, амма гәми дағ, Фатимәнин,
Вардыр он бир нәфәр өвлады чыраг, Фатимәнин.

Зејнәбин, һәм Һәсәнејнин үрәјин дағладылар,
Ата голларыны рәһм ејләмәдән бағладылар.
Инсу ҹинн, һәтта мәләкләр дә бахыб ағладылар,
Олду бәтниндә шәһид мәсум ушаг Фатимәнин.
Јашы аз олса да, амма гәми дағ, Фатимәнин,
Вардыр он бир нәфәр өвлады чыраг, Фатимәнин.

Бу ханым шәни уҹа он бир Имам мадәридир,
Гадын олмагла бәрабәр, динин һәм өндәридир.
Рәсулуллаһә бәрабәр тај олан да әридир,
Ким ола биләр рәгиби, бу сајаг Фатимәнин?
Јашы аз олса да, амма гәми дағ, Фатимәнин,
Вардыр он бир нәфәр өвлады чыраг, Фатимәнин.

Она Пејғәмбәримиз "Анам" хитаб ејләрди,
Öпәрәк әлләрини шәнинә мәдһ сөјләрди.
Дәрк едә билмәди "Јер", мүштәриси "Ҝөјләр"ди,
Öзү бир һури иди, мәскәни бағ, Фатимәнин.
Јашы аз олса да, амма гәми дағ, Фатимәнин,
Вардыр он бир нәфәр өвлады чыраг, Фатимәнин.

Танры ваҹиб бујуруб зикри ибадәтди бизә,
Атасы, мәсум Имамлар да шәрафәтди бизә.
Етсәләр ҝәрчи шәфаәт, бу сәадәтди бизә,
Бил ки, Сәрдар шиәсидир үзү ағ, Фатимәнин.
Јашы аз олса да, амма гәми дағ, Фатимәнин,
Вардыр он бир нәфәр өвлады чыраг, Фатимәнин.


2298 дәфә бахылыб
در حال ارسال اطلاعات...