Шрифт өлчүсү:

10 Нојабр 2015

Данышанда һамысы Исламы мүдафиәдән данышырдылар, лакин нөвбә әмәлә чатдыгда...

Ашура һадисәсинин әсас мәғзи будур ки, һәр јери зүлмәтин, фәсадын вә зүлмүн бүрүдүјү бир дүнјада Һүсејн ибн Әли (ә) Исламы хилас етмәк үчүн гијам етди вә бу бөјүк дүнјада һеч кәс она көмәк етмәди. Һәтта о һәзрәтин достлары, јәни һәр бири бир ҹәмијјәти бу мејдана вә Језидлә мүбаризәјә чәкә билән шәхсләр бәһанә илә мејдандан чыхдылар вә гачдылар; Ибн Аббас бир ҹүр, Абдуллаһ ибн Зүбејр бир ҹүр, сәһабә вә табеләрдән олан диҝәр бөјүкләр дә бир ҹүр. Мәшһур вә адлы-санлы шәхсијјәтләрин, тәсир ҝөстәрә билән вә мүбаризә мејданыны гызышдыра билән шәхсләрин һәр бири бир ҹүр мејдандан чыхдылар. Данышанда һамысы Исламы мүдафиәдән данышырдылар, лакин нөвбә әмәлә чатдыгда ҝөрдүләр ки, Језидин һөкумәти гәддар һөкумәтдир, рәһм етмир, сәрт тәдбирләрә гәрар вермишдир. Одур ки, һәр бири бир тәрәфә гачыб Имам Һүсејни (ә) тәнһа гојдулар. Һәтта өз ишләрини үзрлү ҝөстәрмәк үчүн Һүсејн ибн Әлинин (ә) јанына ҝедиб о һәзрәтә исрарла дејирдиләр ки, аға, сиз дә гијам етмәјин, Језидлә мүһарибәјә ҝиришмәјин.
Бу, тарихин гәрибә бир ибрәтидир.

Бөјүкләрин горхдуғу јердә, дүшмәнин чох гәддар симасыны ҝөстәрдији јердә, һамынын, мејдана гошулаҹағы тәгдирдә гәриб мејданын онлары удаҹағыны һисс етдији јердә, инсанларын ичинин вә дахилинин танындығы јердә, о заманын олдугҹа чохлу әһалиси олан бүтүн Ислам дүнјасында - бу бөјүк бир дүнја иди, бу ҝүн мүстәгил вә ајры олан чохлу мүсәлман өлкәләр о заман бир өлкәни тәшкил едирдиләр - дүшмәнин гаршысында дајанмаға гәрар верән, буна ирадәси вә ҹүрәти чатан шәхс Һүсејн ибн Әли (ә) иди.