08 Јанвар 2016
Тәхти ингилабдан 12-13 ил әввәл бу һисси јашајыб!
Ајәтуллаһ Хаменеи ингилабын башланғыҹында Сәдабад стадионуна Тәхтинин адыны верди
Мүгәддәс Мәшһәд шәһәринин стадиону Ислам Ингилабындан габаг Сәдабад адланыб. Ингилаби мүбаризәнин пик һәддинә чатдығы бир вахтда (шәмси 1357) стадионда бөјүк издиһам топланмышды. Ајәтуллаһ Хаменеи чыхыш етмәли иди. Ҹәнаб Рәһбәр сөһбәт ҝедишиндә стадиону “Ҹаһанпәһләван Тәхти стадиону” адландырды. Халг Ајәтуллаһ Хаменеинин бу аддымыны тәкбирлә, салаватла гаршылады. Ҹәнаб Рәһбәр өз чыхышында бујурур: Бу стадионда бу замана гәдәр белә бир мәнәвијјатлы ҹәмијјәт топланмајыб. Бу ҝүнә гәдәр бу мәканда халгын севимли гәһрәманынын бир шәкли дә ҝөзә дәјмәјиб. Бу чох үзүҹүдүр. Онун адыны да чәкмәк мүмкүн олмајыб. Чүнки о бу ҝүн бизим кечирдијимиз һиссләри 12-13 ил әввәл јашајыб. Тәклиф едирәм ки, бу сатдион пәһләван Гуламриза Тәхти стадиону адландырылсын... ***
Гуламрза Тәхти 1930-ҹу ил, 27 августда Теһраныны ҹәнубунда Ханыабад мәһәлләсиндә анадан олуб. 1950-ҹи илдә өлкә чемпиону адыны газаныб. 1968-ҹи ил, 7 јанварда Теһранын Атлантик отелиндә ҹәназәси тапылыб. Иран халгы арасында бөјүк һөрмәт газанмыш Тәхтинин өлүмүндә Пәһләви режими шүбһәли сајылыр. Тәхти шаһы севмәјиб вә буна ҝөрә САВАК тәрәфиндән тәгиб едилиб, һәтта јарышлара бурахылмајыб. 1956-ҹы илдә Мелбурн Олимпиадасында гызыл медал алыб. Башга чохсајлы гәләбәләри дә вар.
Вилајет.нураз.ин
