А+

А

А-

Лат

Ҹаваб: Инсанлар дөрд гисмә бөлүнүр:

1. Иман ҝәтириб, салеһ әмәл едән мөминләр.
2. Имансыз вә салеһ әмәлсиз кафирләр.
3. Иман ҝәтирдији һалда, салеһ әмәлдән узаг олан ҝүнаһкарлар.
4. Иман ҝәтирмәдији һалда, өзүнү салеһ ҝөстәрән мүнафигләр. Јалан, һијлә, ријакарлыг нифагын бир нөвүдүр.

Суал: Мөминләр арасында мүнасибәт неҹә олмалыдыр?

Ҹаваб: Ислам пејғәмбәри (с) бујуруб: “Мөмин мөминин ҝүзҝүсүдүр.” (“Биһар”, ҹ. 71, с. 270.)
Ҝүзҝү кими, бир-биримизин һәм ҝөзәл, һәм дә нөгсанлы ҹәһәтләрини ҝөрәк.
Ҝүзҝү кими һәр шеји олдуғу кими, бөјүдүб кичилтмәдән ҝөстәрәк.
Ҝүзҝү кими инсанларла үз-үзә дуруб данышаг, хәлвәтдә јох.
Севирәм ки, достлар бир ајна кими.
Һәр заман үзүмә дејә ејбими.
Мин дилли дараг тәк ҝәзиб хәлвәти,
Нә писдир едәләр түк-түк гејбәти.
Ҝүзҝү кими башгаларынын нә дејәҹәјини дүшүнмәјәк
Ҝүзҝү кими өзүмүзү тоз-торпагдан горујаг.
Ејб ҝөстәрдији үчүн ҝүзҝүнү сындырмазлар. Ејбини дејәни дә инҹитмә.
Ҝүзҝүнү сындыранда онун гырығы да һәр шеји олдуғу кими ҝөстәрир. Мин бир әзаб ҝөрмүш мөмин дә јалныз һәгигәти дејир.
Ҝүзҝү саф олдуғу үчүн ејби ҝөстәрир. Мөмин дә кин вә һәсәдә ҝөрә јох, сафлығына ҝөрә тәнгид етмәлидир.
Ҝүзҝү ҝөстәрдији ејби өзүндә сахламадығы кими, мөмин дә үзбәүз дедији ејби јадындан чыхармалыдыр.
Ҝүзҝүјә өтәри бахан ејбини ҝөрә билмәдији кими, мөмин дә диггәтлә динләмәјән ејбиндән хәбәрсиз галар.

12345