10 Апрел 2016
Ашура дәрсләри
Ашура өјрәдир ки, дини мүдафиәдә инсан үчүн һәр шејдән артыг аҝаһлыг лазымдыр
Ашура өјрәдир ки, дини горумаг үчүн фәдакарлыг ҝөстәрмәк лазымдыр; өјрәдир ки, Гуран јолунда һәр шејдән кечмәк лазымдыр; өјрәдир ки, һагг вә батилин дөјүш мејданында кичик вә бөјүк, гадын вә киши, гоҹа вә ҝәнҹ, ҝөркәмли вә ади, имам вә рәијјәт һамылыгла бир сырада дурурлар; өјрәдир ки, бүтүн заһири ҝүҹүнә рәғмән, дүшмәнин ҹәбһәси олдугҹа зәифдир. Неҹә ки, Бәни-Үмәјјә ҹәбһәси Ашура әсирләринин карваны сајәсиндә Куфәдә ифласа уғрады, Шамда ифласа уғрады, Мәдинәдә ифласа уғрады вә нәһајәт бу һадисә Сүфјани ҹәбһәсинин мәһви илә нәтиҹәләнди. Ашура өјрәдир ки, дини мүдафиәдә инсан үчүн һәр шејдән артыг аҝаһлыг лазымдыр. Аҝаһ олмајанлар алданырлар. Аҝаһ олмајанлар өзләри дә билмәдән залым ҹәбһәсинә кечирләр. Неҹә ки, Ибн Зијадын ҹәбһәсиндә фасиг вә ҝүнаһкар олмајан, лакин авам олан инсанлар да варды.Бунлар Ашуранын дәрсләридир. Сөзсүз ки, бу дәрсләр бир халгы зилләтдән иззәтә чатдырмаға јетәр. Бу дәрсләр күфр вә империализм ҹәбһәсини мәғлуб едә биләр. Бунлар һәјаты ислаһ едән дәрсләрдир.
Ашура дәрсләри фәдакарлыг, диндарлыг, шүҹаәт, хејирхаһлыг вә Аллаһ үчүн гијам дәрсидир, һеч бир заман чәрчивәсиндә һәбс олунмајан ҹанлы, әбәди вә һәмишәјашар мәһәббәт вә ешг дәрсидир.
