Шрифт өлчүсү:

13 Мај 2016

"Бу ҝүн шиә вә гејри-шиә олан јүз милјонларла мүсәлман бунларын адына тәбәррүк едир"

Бәлидир ки, әҝәр иман иддиачылары Имам Һүсејнә (ә) гаршы ајры ҹүр рәфтар етсәјдиләр, биринҹи нәтиҹә (гәләбә вә һакимијјәт) һасил оларды. Бу һәмин дөврдә халгын дүнја вә ахирәтини дүзәлдә биләрди вә Пејғәмбәр (с) дөврүндә олдуғу кими, имамәти фәсадлы вә фәсад төрәдән шаһлығын јеринә гојарды.
Əбу Абдуллаһын (ә) гијамы заһирдә дүшмән гошунлары илә дөјүшмәклә, онун вә достларынын шәһид, аиләсинин вә диҝәр јолдашларынын әсир олмасы илә нәтиҹәләнди. Лакин демәк олармы бу агибәт Шәһидләр ағасынын мәғлубијјәти вә дүшмәнин гәләбәси иди?!
Мәсәләнин заһири беләдир ки, дөврүн ән дәјәрли инсанлары Ашура һадисәсиндә мәһв едилдиләр. Һүсејн ибн Әли (ә) аиләсинин бүтүн ҝөркәмли шәхсијјәтләри вә ҝәнҹләри илә - гејрәтли сәһабәләри, гардашлары, өвладлары, јахынлары вә ҝәнҹләри илә бирҝә чох гәриб шәкилдә шәһидлијә говушду вә чох гәриб шәкилдә дә дәфн олунду; нә кимсә онларын ҹәназәсини мүшајиәт еләди вә нә кимсә онлар үчүн әза сахлады. Кәрбәланын сағ галмыш јеҝанә кишиси олан Имам Сәҹҹад (ә) да о замандан 34 ил сонраја гәдәр Мәдинәдә заһири тәҹрид һалында јашады; нә гошун, нә топлум, нә һај-күј варды.
Мадди мәнтиглә һөкумәт едән мадди ҝүҹләрин јанлыш тәсәввүрү адәтән беләдир ки, бунлар битдиләр вә мәһв олдулар. Лакин ҝөрүрсүнүз ки, һәгигәт белә дејил. Бунлар битмәдиләр. Бунлар галдылар; әзәмәтләри, ҝөзәлликләри вә тәсирләри ҝүнбәҝүн артды, гәлбләри фәтһ етдиләр. Бу ҝүн шиә вә гејри-шиә олан јүз милјонларла мүсәлман бунларын адына тәбәррүк едир, сөзләриндән бәһрәләнир вә хатирәләрини уҹа тутурлар. Бунлар тарихдә гәләбәдир; һәгиги вә һәмишәјашар гәләбә.