14 Август 2016
Инсанлардан олан шејтандан горх!
Ајәтуллаһ Беһҹәт өз башына ҝәләнләри “бир аға”нын адындан данышарды
“Мән” инсанын дүшмәнидир. Инсанын бөјүклүјү онун хидмәтләринин бөјүклүјүндә јох, өзүнү кичик ҝөрмәсиндәдир. Кәрамәт саһиби мәрһум Беһҹәт һеч заман “мән” сөзүнү ишләтмәди. Өмүр боју башына ҝәләнләри, өз кәрамәтләрини “бир аға”нын адындан данышды...Һөҹҹәтүлислам Руһи дејир:
Әксәријјәт билирди ки, мәрһум Беһҹәтин “бир аға”нын адындан данышдыглары өз башына ҝәләнләрдир. Бир сөһбәтиндә ҹинләрдән, онларын зәрәрсиз олмасындан данышырды. Бујурду: Бир аға азјашлы ушағын ҹиндән чох горхдуғуну ҝөрүб ону сакитләшдирмәк үчүн ҹинләрдән данышды. Бујурду ки, ҹинләрин иманлы инсанларла иши јохдур. Мән Кәрбәлада әмимин евиндә оланда бир отаға һеч ким дахил олмурду, дејирдиләр орада ҹин олур. Гәрара ҝәлдим ки, отаха дахил олум. Отаға дахил олуб истираһәт үчүн бир ҝушәдә узандым. Ҝеҹә јары ајаг сәси ешитдим. Кимсә пәнҹәрәјә јахынлашырды. Узаныб пәнҹәрәдән ичәри бахды. Ҝери дөнүб деди: Ҝедәк, Аллаһын ордусундандыр! Бу сөһбәтдән сонра ушағын ејни ачылды, һәтта ҹинә гаршы бир хош мүнасибәт дә мүшаһидә етдим...
Вилајет.инфо
