Шрифт өлчүсү:

10 Сентјабр 2016

Аллаһ-тәала бујурур ки, мәним ҝөстәришләримдән чыхан инсан өзүнүн вә мәним дүшмәними шад едәр.

Ади инсанлар, адәтән, ҝүнаһларына ҝөрә горхурлар. Тәбии ки, һәр бир ҝүнаһ хошаҝәлмәз сонлугла нәтиҹәләнә биләр. Әҝәр инсан ҝүнаһларындан горхмагла Аллаһа јахынлаша билирсә, бу мүсбәт бир һалдыр. Тәәссүф ки, мәрифәт вә иманы зәиф инсан нә гәдәр ҝүнаһ етсә дә нараһат олмур. Гурани-кәримдә јүзләрлә ајә ҹәһәннәм әзабындан данышыр. Ҝөстәрилир ки, бу әзабын чох бөјүк вә дөзүлмәз олмасы гејд олунур. Охудуғумуз бу ајәләр бизә тәсир едирми? Бир шәхс бу ајәләри ҝөзәл сәслә охудуғу заман дејилән сөзләрдән хофланмаг әвәзинә, сәсин ҝөзәллијиндән ләззәт алырыг. Һансы ки, ҹәһәннәм ајәләрини ешидән инсан диванәлик һәддинә чатмалыдыр.
Ҝүнаһын ҹәзасындан әлавә онун чиркинлијинә, Аллаһа гаршы гијам олмасына диггәт јетирмәк лазымдыр. Неҹә ола биләр ки, Аллаһын вердији немәтләр мүгабилиндә Она тәшәккүр етмәк әвәзиндә ҝүнаһа јол верәк?
Аллаһ-тәала бујурур ки, мәним ҝөстәришләримдән чыхан инсан өзүнүн вә мәним дүшмәними шад едәр. Амма биз билә-билә Аллаһын дүшмәнини севиндиририк. Аллаһла мүхалифәт етмәк шејтана итаәт демәкдир. “Јусуф” сурәсинин 5-ҹи ајәсиндә охујуруг: “Һәгигәтән шејтан инсанын ачыг–ашкар дүшмәнидир”. Јахын достунун дүшмәни илә әмәкдашлыг етмәк доста хәјанәт етмәк дејилми?! Һалбуки, Аллаһ инсаны хәлг етмиш, ону боллуҹа немәтләрлә фајдаландырмыш вә онун агибәтини дә Өзү тәјин едәҹәкдир. Аллаһы өзүнә бир дост сајмајан инсаны иманлы һесаб етмәк олармы?!
Һәр бир ҝүнаһ шејтана итаәтдир. Аллаһ инсаны бәлалардан гуртармаг үчүн она јол ҝөстәрир. Инсан исә Аллаһын мәһәббәтини рәдд едиб, онун дүшмәни гаршысында әјилир. Неҹә дә чиркин һәрәкәт! Әслиндә бирҹә дәфә ҝүнаһ едән инсан Аллаһын мәрһәмәтиндән мәһрум едилмәлидир. Аллаһын һаггы вар ки, бир дәфә намәһрәмә бахан ҝөзү кор етсин. Чүнки бу ҝөз ҝүнаһ јох, саваб үчүн хәлг едилмишдир.