18 Сентјабр 2016
Ҝөзүн хәјанәти
Бизим әсл шиәләримиз әмәлдә бизә итаәт едәнләрдир
Имам Садиг (ә) бујуруб: “Һарам бахыш шејтанын охларындан биридир. Бир һарам бахышын узун һәсрәти вар.” (“Үсули-кафи”, ҹ. 5, сәһ. 559.)
“Биринҹи бахыш ҹаиздир, икинҹи бахыш сәнин зәрәринәдир, үчүнҹү бахыш исә һәлакәтдир.” (“Биһарул-әнвар”, ҹ. 101, сәһ. 37.)
“Әҝәр бир шәхс намәһрәмлә үзләшәндә, она дејил сәмаја бахса, ја ҝөзүнү бағласа, ҝөзүнү бағламаздан әввәл Аллаһ ону һури илә евләндирәр.” (“Биһарул-әнвар”, ҹ. 101, сәһ. 37.)
Бир киши Пејғәмбәрә (с) деди: Филан кәс гоншусунун намусуна бахыр. Әҝәр имкан олса, һарам иш дә әнҹам верәр. Һәзрәт гәзәбләнди вә бујурду: Ону мәним јаныма ҝәтирин. Бу вахт башга бир киши деди: О, сизин шиәләриниздәндир. Сизин вә Әлинин (ә) вилајәтинә вә достлуғуна иманы вар. О, сизин дүшмәнләриниздән узаглашыр.
Пејғәмбәр (с) бујурду:
“Демә, сизин шиәләриниздәндир. О, јалан дејир. Бизим әсл шиәләримиз әмәлдә бизә итаәт едәнләрдир!” (“Мизанул-һикмәт”, ҹ. 5, сәһ. 237. )
