Шрифт өлчүсү:

23 Сентјабр 2016

Онлар мәсҹидә ҝедиб халг үчүн намаз гылырдылар, ҹамаат да онлара игтида едирди.

Үмумијјәтлә, дүнја нәдир? Дүнја, јәни пул, јәни ев, јәни еһтирас, јәни вәзифә, јәни ад-сан, јәни пост вә вәзифә, јәни ҹан. Әҝәр кимләрсә ҹанларыны горумаг үчүн Аллаһ јолуну тәрк етсәләр, һаггы демәјин лазым олдуғу јердә демәсәләр, ҹанларынын тәһлүкәјә дүшмәсиндән горхсалар, јахуд вәзифәләри үчүн, пешәләри үчүн, пуллары үчүн, өвлада, аиләјә, јахынларына вә достларына мәһәббәтләри үчүн Аллаһ јолуну тәрк етсәләр, о заман Һүсејн ибн Әлиләр Кәрбәлаја ҝедәҹәк вә гәтлҝаһа чәкиләҹәкләр. О заман језидләр иш башына ҝәләҹәк, Бәни-Үмәјјә Пејғәмбәрин (с) гурдуғу бир өлкәдә мин ај һакимијјәт сүрәҹәк, имамәт шаһлыға чевриләҹәк.
İслам ҹәмијјәти имамәт ҹәмијјәтидир, јәни ҹәмијјәтин башында имам дурур. Бу инсанын ҝүҹү вар, лакин халг иманла вә үрәкдән она итаәт ҝөстәрир. Султан вә падшаһ исә халга зорла һакимијјәт едир. Халг ону севмир, халг ону гәбул етмир, халг она инанмыр (әлбәттә, башлары бәдәнләринә дәјән халг). Ејни заманда зорла вә ҝүҹлә халга һакимијјәт едирләр. Бәни-Үмәјјә Исламда олан имамәти шаһлыға вә султанлыға чевириб мин ај - јәни 90 ил бөјүк Ислам дөвләтиндә һакимијјәтдә олду. Бәни-Үмәјјәнин әсасыны гојдуғу әјри бина елә иди ки, онларын әлејһинә баш верән ингилабдан вә онларын сүгутундан сонра да һәмин јанлыш структур Бәни-Аббасын ихтијарына кечди. Бәни-Аббас 6 әсрә гәдәр Пејғәмбәрин (с) хәлифәси вә ҹанишини ады илә Ислам дүнјасына һаким олду. Бу ханәданын хәлифәләри, даһа доғрусу падшаһлары шәраб, фәсад, позғунлуг, хәбислик, дүнјаҝирлик, күбарлыг вә мин нөв башга фәсад вә ҝүнаһ адамы идиләр; дүнјанын диҝәр падшаһлары кими. Онлар мәсҹидә ҝедиб халг үчүн намаз гылырдылар, ҹамаат да онлара игтида едирди. О һакимијјәт бир гәдәр чарәсизликдән, даһа чох сәһв вә јанлыш етигадлардан гајнагланырды. Чүнки халгын етигадыны корламышдылар.
Бәли, һагг тәрәфдары олан хүсуси инсанлар групу, јахуд онларын бөјүк әксәријјәти бир ҹәмијјәтдә маһијјәтләрини дәјишдириб јалныз өз дүнјаларына әһәмијјәтли јанашдыгда, ҹан горхусундан, сәрвәтләринин азалмасы горхусундан, мәгам вә вәзифәләринин әлдән чыхмасы горхусундан, пис бахылмасы горхусундан вә јалгыз галмаг горхусундан батил һакимијјәти гәбул едиб батил гаршысында дајанмадыгда, һаггы мүдафиә етмәдикдә, ҹанларыны горудугда, о заман Ислам дүнјасында Һүсејн ибн Әлинин (ә) елә вәзијјәтдә шәһидлик фаҹиәси башланыр. Һөкумәт Бәни-Үмәјјәјә, онун Мәрван ганадына, сонра Бәни-Аббаса вә ахырда да Ислам дүнјасында бу ҝүнә гәдәр давам едән шаһлар силсиләсинә чатыр.