Шрифт өлчүсү:
А+
А
А-
04 Октјабр 2016

ГУМАР – СТРЕССЫН БАШЛЫҸА АМЫЛЫ

Гумарла мәшғул олан шәхсин, јалныз руһу ҝәрҝинлик ичәрисиндә дејил, бүтүн бәдән үзвләри гејри-тәбби бир дурумда јашајыр.
Психологлар јекдилликлә бу гәнаәтдәдирләр ки, стрессләр – психоложи һәјәҹанлар, бир чох хәстәликләрин әсас факторудур. Мисал олараг, витаминләрин азалмасы, мәдә јарасы, руһи хәстәлик, дәлилик, хәфиф вә кәскин формада әсәб хәстәликләри вә буна бәнзәр хәстәликләр, бир чох һалларда, һәјәҹандан, тәшвишдән гајнагланыр. Гумар исә һәјәҹанын ән бөјүк јарадыҹы сәбәбләриндәндир. Америкалы алимләрдән бири бу барәдә дејир: Һәр ил бу өлкәдә 2000 нәфәр гумарын һәјәҹаны нәтиҹәсиндә өлүр, орта һесабла бир покербазын (гумарбазын) үрәји дәгигәдә јүз дәфәдән артыг дөјүнүр, гумар бәзән үрәк вә бејин инфаркты да јарада биләр вә шүбһәсиз ки, тез гоҹалмаға да сәбәб олаҹагдыр.
Бундан әлавә алимләрин дедикләринә әсасән, гумарла мәшғул олан шәхсин, јалныз руһу ҝәрҝинлик ичәрисиндә дејил, бүтүн бәдән үзвләри гејри-тәбби бир дурумда јашајыр. Үрәк дөјүнтүләри артдыгҹа, шәкәр хәстәлијинә тутулма еһтималы артыр, дахили вәзиләрин ифразында аномалија-позғунлуг јараныр, үзүн рәнҝи гачыр, иштаһасызлыға дүчар олур вә психоложи мүһарибә вә бөһранла нәтиҹәләнән гумардан сонра јухуја ҝедир. Адәтән белә шәхсләр әсәб системләриндә тәскинлик, арамлыг јаратмаг үчүн спиртли ичкиләр вә наркотик маддәләрдән дә истифадә едирләр. Белә олдугда, бу әмәлләрин зәрәрләрини дә гумарын зәрәрләринә әлавә етмәк лазымдыр. ("Тәфсире номуне", ҹ. 2, сәһ. 126.)


4272 بازدید
در حال ارسال اطلاعات...
Go to TOP