Шрифт өлчүсү:

21 Октјабр 2016

Бөјүк шиә алимләриндән олан Сејид Мөһсин Ҹәбәламили шиәләри тәһсилә ҹәлб етмәк вә онлара елм өјрәтмәк үчүн Дәмәшгдә мәдрәсә тәсис етмишди. Онун Абдуллаһ адлы бир шаҝирди вар иди. Абдуллаһ чох зәкалы вә истедадлы иди. Гыса бир заманда Дәмәшгдә тәһсилини баша вурур вә бир сыра елмләрә јијәләнмәк мәгсәдилә Америкаја сәфәр едир. Артыг о чохдан иди ки, Американын университетләринин бириндә имтаһан вермәк үчүн гејдијјатдан кечмишди вә имтаһанда иштирак етмәк үчүн бу узаг јолу ҝәлмишди.
Абдуллаһ имтаһана ҝирмәк үчүн сырада нөвбә ҝөзләјир. О, бирдән ҝөрүр ки, намазын вахты кечир вә әҝәр тез намазыны гылмаса, намазы гәзаја ҝедәҹәк. Она ҝөрә дә дәрһал сырадан чыхараг намаз гылмаға ҝедир. Ҹәрҝәдә оланлар дејир: - Һара ҝедирсән? Сәнин нөвбәнә аз галыб, ҝеҹиксән имтаһана бурахмајаҹаглар.
Абдуллаһ ҹаваб верир: - Мәним бир дини тәклифим вар. Ону инди јеринә јетирмәсәм, вахты кечәр. Бу тәклиф имтаһандан ирәли вә өнәмлидир.
Абдуллаһ Аллаһа тәвәккүл едәрәк намаз гылмаға башлады. Онун намазы гуртаранда артыг нөвбәси кечмишди вә бир даһа имтаһана ҝирмәк шансы јох иди. Лакин имтаһанын рәһбәрлији Абдуллаһын намаза ҝөрә белә мүһүм бир имтаһаны бурахмасыны билдикдә онун иманына тәәҹҹүб едир вә она имтаһан вермәк үчүн иҹазә верир.
Абдуллаһ устадына мәктуб јазараг она белә мүраҹиәт едир: “Мән иман вә вәзифәмә әмәл етмәк дәрсини сиздән өјрәндим”.
Сејид Мөһсин буна ҝөрә чох севинир вә белә бир шаҝирд тәрбијә едә билдији үчүн Аллаһа шүкүр едир.