Шрифт өлчүсү:
А+
А
А-
27 Октјабр 2016

МӘДИНӘЈӘ ГАЈЫДЫШ

Језид Әһли-бејтин Шамда галмағыны өзүнә вә һөкумәтинә мәсләһәт ҝөрмәјиб, карваны илк фүрсәтдә Мәдинәјә ҝөндәрмәји гәрара алды
Ханым Зејнәбин Језидин сарајында вә имам Сәҹҹадын Шам мәсҹидиндәки тәсирли вә ифша едиҹи чыхышлары. Мүавијәнин Әһли-бејт (ә) әлејһинә олан 40 иллик зәһәрли тәблиғатына сон гојду. Бәни Үмәјјәнин ҹинајәт вә азғынлыглары ифша едилди.
Онларын чиркинликләри ашкар олунду. Шам ҹамааты өзләринә ҝәлиб, узун илләр ислам вә Пејғәмбәрин ҹанишини ады илә онлара һакимлик едән Мүавијә вә Језидин ган ичән бир вәзифәпәрәст олдугларыны баша дүшдүләр.
Белә рүсвај олаҹағыны ҝүман етмәјән Шам һөкумәти Әһли-бејтин Шама ҝәлиши, нитгләри вә ҹамаатын аҝаһлығы илә өз мевгејини тәһлүкәдә ҝөрүб чарә ахтармаг фикринә дүшдү. Шам һөкумәтинин, үмуми фикирләрлә разылашмаг вә милләтин гәзәбини сојутмагдан башга чыхыш јолу галмады. Буна ҝөрә дә Әһли-бејтлә хош давранмағы гәрара алды. Белә ки, Әһли-бејтин Сејјидүш-шүһәда (ә) үчүн үч ҝүн әзадарлыг мәҹлиси гурмасы истәјини јеринә јетирди, һәтта Шам сарајынын гадынлары да мәҹлисдә иштирак едирдиләр. Ҝүнләр кечдикҹә Шам ҹамааты ајылыр вә Шам һөкумәтинин әмәлләринә даһа да гәзәбләнирдиләр.
Бу сәбәбдән Језид Әһли-бејтин Шамда галмағыны өзүнә вә һөкумәтинә мәсләһәт ҝөрмәјиб, карваны илк фүрсәтдә Мәдинәјә ҝөндәрмәји гәрара алды. Карваны онунла бирҝә Мәдинәјә ҝөндәрмәк үчүн, Пејғәмбәр сәһабәләриндән олан Нөман ибни Бәшири јанына чағырды. Нөман сәфәр бојунҹа Аллаһын пејғәмбәринин ханәданы илә меһрибан давраныр вә имкан гәдәринҹә онларын истәкләрини јеринә јетирирди.


3675 بازدید
در حال ارسال اطلاعات...
Go to TOP