Шрифт өлчүсү:
А+
А
А-
24 Сентјабр 2017

Мәһәррәм вә тәблиғат

Шәрәфли фәнләрин бири дин тәблиғаты, дин вә Ислам билҝиләринин натиглик сәнәтидир
Тәблиғат пешәсинин шәрәфлилији
Әҝәр һәр бир сәнәтин шәрәфлилијинин онун мәгсәдинин шәрәфли олмасына бағлы олдуғу дүзҝүн олса, демәлијик ки, шәрәфли фәнләрин бири дин тәблиғаты, дин вә Ислам билҝиләринин натиглик сәнәтидир; бизим әнәнәмиздә моизә вә минбәр кими мәшһур олан мәсәлә. Чүнки дин тәблиғатынын вә натиглик сәнәтинин мәгсәди халгы мәнәви ҹәһәтдән пакламаг үчүн моизә етмәкдән, онларын дини билҝи сәвијјәсини јүксәлтмәк мәгсәди илә дини билҝиләри изаһ етмәкдән вә һәзрәт Әбу Абдуллаһын (ә) мүсибәтләрини вә мәрсијәләрини сөјләмәкдән, јәни бөјүк мәгсәдләрә сары һәрәкәти кејфијјәтли етмәк үчүн халга өрнәк тәгдим етмәкдән ибарәтдир. Бунларын һамысы ән шәрәфли мәгсәдләрдәндир; һәм мәнәви ҹәһәтдән пакламаг, һәм халгын дүшүнҹә вә мәлуматларыны јүксәлтмәк, һәм ҹиһад вә Аллаһ јолунда чалышмаг үчүн өрнәк ҝөстәрмәк.
Бу сәнәти кичик сајмаг олмаз; минбәр етмәк, дин һагда данышмаг ән шәрәфли ишләрдәндир. Ән шәрәфли инсанлар, Ислам елмләриндә ән мәлуматлы вә ән алим оланлар, шәриәт һөкмләриндән ән мәлуматлы оланлар бу јола гәдәм гојмалы вә буну өзләринә фәхр билмәлидирләр. Бу ишә онлар лајигдирләр. Кечмишдә дә белә олмушдур. Бөјүк әхлаг алими олан Шејх Ҹәфәр Шүштәри кими шәхсләрин өзләри минбәр адамы олмушлар. Јахуд "Һәдијјә ән-нәмлә" китабынын мүәллифи олан мәрһум Һаҹы аға Рза Һәмәдани Ваизин өзү бир ваиз вә дин натиги олмушдур; о мәрһумун оғлу вә алим шәхсләрдән олан мәрһум аға Мирзә Мәһәммәд Һәмәдани вә диҝәр шәхсләр дә һәмчинин. Кечмишдә елми шәхсијјәтләр, тәгва вә динлә мәшғул олан сималар бу хүсусијјәтә малик олмуш вә бу сәнәтлә фәхр етмишләр. Бу дөврдә Аллаһын лүтфү илә биз дә тәблиғат вә минбәр саһәсиндә ҝөркәмли шәхсијјәтләр ҝөрмүшүк. Белә шәхсијјәтләрдән әввәлләр дә олмушдур, инди дә вар.

Ајәтуллаһ Сејид Әли Хаменеи


6344 بازدید
در حال ارسال اطلاعات...
Go to TOP