Мөминләрин ичәрисиндә еләләри дә вардыр ки, Аллаһа етдикләри әһдә садиг галарлар

Имам Һүсејн (ә) тәк-тәнһадыр. Әлбәттә, о һәзрәтин әтрафында бир гәдәр адам вар, лакин әҝәр галмасајдылар да, о һәзрәт дајанаҹагды. Мәҝәр белә дејил?! Фәрз едәк Ашура ҝеҹәси һәзрәт бејәтини ҝөтүрдүјүнү дедикдә вә онларын ҝетмәсини истәдикдә һамысы ҝетсәјдиләр, Әбүлфәзл вә Әли Әкбәр дә ҝетсәјди вә һәзрәт тәнһа галсајды, Ашура ҝүнү нә олаҹагды? Һәзрәт гајыдаҹагды, јохса дајаныб вурушаҹагды? Бизим дөврүмүздә бир нәфәр пејда олуб деди ки, әҝәр јалгыз галсам вә бүтүн дүнја мәним гаршымда дајанса да, јолумдан дөнмәјәҹәјәм. О шәхс бизим имамымыз иди. Әмәл етди вә доғру да деди: “Мөминләрин ичәрисиндә еләләри дә вардыр ки, Аллаһа етдикләри әһдә садиг галарлар“. Бош данышыг һамымызда олур. Ҝөрдүнүз ки, бир һүсејнчи вә ашурачы инсан нә етди! Әҝәр бизим һамымыз ашурачы олсаг, дүнјанын ислаһа сары һәрәкәти сүрәтләнәҹәк вә һаггын вәлисинин зүһуруна мүтләг зәмин јаранаҹаг.