Шрифт өлчүсү:

25 Октјабр 2017

Мөмин инсанлар, хүсусилә иҹтимаи асајиш кешикчиләри ҹәмијјәтдәки әхлагсыз вә һәјасыз һәрәкәтләрин гаршысыны алмалыдырлар

Гурани-Мәҹид халгы ашкар вә ҝизли ҝүнаһдан чәкинмәјә чағырыр (“Әнам” сурәси, ајә 151).
Ашкар ҝүнаһ һәјасызлыг вә әдәбсизлик, Ислам ҹәмијјәтинин ганунларына һөрмәтсизлик нишанәсидир. Ислам дининдә иҹтимаи мүһитин чиркләндирилмәси олдугҹа сәрт мәзәммәт едилир. Ислам үммәтинин һәјатында гарышыглыг саланлар үчүн ҹидди ҹәзалар нәзәрдә тутулур.
Мөмин инсанлар, хүсусилә иҹтимаи асајиш кешикчиләри ҹәмијјәтдәки әхлагсыз вә һәјасыз һәрәкәтләрин гаршысыны алмалыдырлар. Ҹәмијјәтдәки ашкар ҝүнаһлар горхулу микроб кими халгын, хүсуси илә дә ҝәнҹ нәслин һәјатыны мәһв едир. Әмр бе мәруф вә нәһј әз мүнкәрин, јәни јахшыја дәвәт вә писдән чәкиндирмәнин әсас ролу ҹәмијјәти ашкар ҝүнаһкарлыг бәласындан горумагдыр. Әҝәр тәлим-тәрбијә мәркәзләриндә вә аиләдә ҝәнҹләр һәјалы вә иффәтли тәрбијә олунарса, нә ҝизли, нә дә ачыг ҝүнаһкарлыға јер галмаз.
Һәја, Аллаһа диггәт, ҝүнаһын нәтиҹәсини дүшүнмәк инсаны ҝүнаһдан чәкиндирән ән тәсирли васитәдир. Имам Садиг (ә) бујурур: “Һәја имандандыр, иман исә беһиштәдир”. Ислам Пејғәмбәри (с) бујурур: «Аллаһдан һәја едиб, бу һаггы јеринә јетирин. Һәр бириниз өлүм ҝөзләринин гаршысында ҝеҹәни сүбһ етмәклә ҝөз, гулаг вә дили һарамдан һифз етмәклә гарыны һарамдан ҝөзләмәклә гәбир вә бәдәнин онда чүрүмәсини хатырламагла бу һаггы ҝөзләјин. Ахирәти истәјән кәс дүнја һәјатынын алдадыҹы бәр-бәзәјини бошлајар.» (“Биһарул-әнвар”, 68-ҹи ҹилд, сәһ.333.)
Бир шәхс Һәзрәт Пејғәмбәрдән (с) нәсиһәт истәдији вахт Һәзрәт (с) бујурду: “Гөвмүнүн лајигли шәхсиндән һәја етдијин кими Аллаһдан һәја ет.” (“Биһарул-әнвар”, 68-ҹи ҹилд, сәһ.336.)