Шрифт өлчүсү:
А+
А
А-
05 Нојабр 2017

ҜҮНАҺЛАРЫ БАҒЫШЛАЈАН

Һәгиги төвбәкарын дөрд әламәти вардыр
«Ғафир» вә «Ғәфур» адлары меһрибан Аллаһын ҝөзәл адлары вә али сифәтләриндәндир. Јәни, Онун мүгәддәс вүҹуду чох-чох бағышлајандыр. Бу бағышланманы әлдә етмәнин шәрти һәгиги төвбә вә һагга гајыдышдыр. Ҝүнаһкар инсан Аллаһын ғәфур сифәтинә әсасән үмидвар олмалыдыр ки, ҝүнаһларына төвбә етсә мүтләг бағышланаҹагдыр. Бағышланмаға үмидсизлик бөјүк ҝүнаһдыр вә әзабы вардыр. «Јусиф» сурәсинин 87-ҹи ајәсиндә бујурулур: «Аллаһын мәрһәмәтиндән јалныз кафирләр үмидини үзәр». «Зумәр» сурәсинин 53-ҹү ајәсиндә охујуруг: «Де ки, еј мәним өзләринә зүлм етмәкдә һәдди ашмыш бәндәләрим, Аллаһын рәһмәтиндән үмидсиз олмајын. Аллаһ бүтүн ҝүнаһлары бағышлајар».
«Ниса» сурәсинин 23-ҹү ајәсиндән ҝөрүнүр ки, Аллаһ-Таала һәр бир ҝүнаһкарын төвбәсини гәбул едир: «Һәгигәтән Аллаһ бағышлајан вә рәһм едәндир». «Маидә» сурәсинин 39 ајәсини охујуруг: «Һәр кәс ҝөрдүјү һагсыз ишдән сонра төвбә едиб өзүнү дүзәлтсә Аллаһ онун төвбәсини гәбул едәр».
Бәли, төвбә едиб, төвбәдән сонра бөјүк ҝүнаһа вә тәкрар кичик ҝүнаһа јол вермәјән, гәзаја вердији ваҹиб әмрләри јеринә јетирән, халгын һаггыны өдәјән шәхс һөкмән бағышланасыдыр.
Һәзрәт Пејғәмбәр (с) бујурур: «Һәгиги төвбәкарын дөрд әламәти вардыр: Әмәлдә Аллаһ әмрләринин сөзсүз иҹрасы, батилдән узаглашмаг, һәгигәтә бағлылыг вә хејирхаһлыға ҝүҹлү рәғбәт». («Мизанул-һикмәт» 2-ҹи ҹилд, сәһ-638.) Һәзрәт Әли (ә) бујурур: «Аллаһ-Таала бәндәсинин үзүнә шүкүр гапысыны ачыб, немәтин артым гапысыны бағламаз. О, дуа гапысыны ачыб, гәбул гапысыны өртмәз. Аллаһ төвбә гапысыны ачыб, бағышланма гапысыны бағламаз». («Нәһҹүл-бәлағә».)


4877 بازدید
در حال ارسال اطلاعات...
Go to TOP