Шрифт өлчүсү:
А+
А
А-
28 Нојабр 2017

ҺАГГЫ ҜИЗЛӘТМӘК

Гуран, Аллаһ тәбарәк вә тәала тәрәфиндән ҝәлән һәгигәтләри ҝизләдәнләрлә мүбаризә апармышдыр.
Ҝүнаһын мәдәнијјәтлә бағлы сәбәбләриндән бири дә һәгигәтин, јүксәк сәвијјәли елми билијин вә јахуд һәр һансы бир мәнәви дәјәрин өрт-басдыр едилмәсидир. Бунун нәтиҹәси исә ҹәмијјәтдә һаггын вә әдаләтин, јүксәк әхлаги кејфијјәтләрин арадан ҝетмәси олаҹагдыр. Гуран, Аллаһ тәбарәк вә тәала тәрәфиндән ҝәлән һәгигәтләри ҝизләдәнләрлә мүбаризә апармышдыр.

«Бәгәрә» сурәсинин 42-ҹи ајәсиндә охујуруг:
«Һагга наһаг (батил) дон ҝејиндирмәјин, һаггы биләрәкдән ҝизләтмәјин».

Бу сурәнин 159-ҹу ајәсиндә исә һаггы ҝизләдән шәхсләр, Аллаһын ләнәтинә дүчар оланлар кими гејд олунмушлар.
«Ҝөндәрдијимиз ашкар дәлилләри, һагг јолуну инсанлара китабда бәјан едәндән сонра бунлары өрт-басдыр едәнләри Аллаһ вә бүтүн ләнәт едәнләр ләнәтләјир.»

Ислам Пејғәмбәри (с) бујурур:
«Һәр бир шәхсдән билдији бир мәтләб сорушулдугда о, ҹаваб вермәкдән бојун гачырса, гијамәт ҝүнү атәшдән олан ип онун бојнуна атылаҹаг». (Мәҹмәүл-бәјан, 1-ҹи ҹилд, 240-ҹы сәһ. Сәфинәтүл-биһар, 2-ҹи ҹилд, 470-ҹи сәһ.)


4668 بازدید
در حال ارسال اطلاعات...
Go to TOP