Шрифт өлчүсү:

11 Мај 2014

Бу барәдә нәгл олунмуш һәдисләр:
Гуран бәшәријјәтин дүнја вә ахирәт һәјатынын хошбәхтлијини тәмин едән әбәди илаһи ганундур.
Онун ајәләри һидајәт, бәјан етдији һәр бир ифадә исә рәһмәт вә сәадәт мәнбәјидир. Һәр ким бу ики дүнјада хошбәхт һәјата наил олмаг истәсә, ҝеҹә вә ҝүндүз Гуранла үнсијјәтдә олмалы вә ону өзүндә јашатмалыдыр. Һәр ҝүн онунла өз әһд-пејманыны тәзәләмәли вә әһдинә вәфадар олмалыдыр. Гуранла өз әлагәсини даһа да ҝүҹләндирән вә ону өз һафизәсинә көчүрән шәхсләр, атдыглары бөјүк аддымлары Гуранла атар вә ҝөрдүкләри бүтүн ишләри Гуранла јеринә јетирәрләр.
Гуран тилавәтинин фәзиләти барәсиндә онларла һәдис вә рәвајәт нәгл олунмушдур. Биз бурада онлардан јалныз бир нечәсини тәгдим едирик.
Имам Багирдән (ә) нәгл олунмуш һәдисдә дејилир: Пејғәмбәр (с) Гуран тилавәтинин фәзиләти һагда бујурмушдур: «Һәр ахшам он ајә Гуран охујан шәхсләр, гафил вә Аллаһыны унутмуш кәсләрдән һесаб олунмазлар, әлли ајә охујанларын ады әмәл дәфтәринә даим Аллаһы јад едән шәхсләр кими јазылар, јүз ајә охујан ибадәт едәнләрдән, ики јүз ајә охујан гәлбән ибадәтә гапылан вә халисанә бәндәлик едәнләрдән, үч јүз ајә охујан сәадәтә наил оланлардан, беш јүз ајә охујан (мәһшәрдә) ибадәтә тәләсән вә бу јолда галмыш кәсләр кими танынарлар. Мин ајә охујан кәсләр исә, санки Аллаһ јолунда сајсыз-һесабсыз гызыл-ҝүмүш сәдәгә вермиш оларлар.» (Үсули-кафи, «Гуранын фәзиләти).
İмам Садигдән (ә) нәгл олунмуш һәдисдә дејилир: «Гуран бәшәријјәтин сәадәт вә хошбәхтлијини тәмин едән һәјат ганунудур. Бу ганун топлусу Аллаһ тәрәфиндән тәртиб олунмуш вә ән мүкәммәл шәкилдә онларын ихтијарына гојулмушдур. Һәгиги мүсәлман о кәсдир ки, бу һәјат програмына диггәт јетирмәклә, һәр ҝүн ән азы әлли ајә охумуш олсун.» (Үсули-кафи, «Гуранын фәзиләти).
Јахшы олар ки, һәр бир таҹир ҝеҹә евинә гајыдаркән јатмаздан әввәл Гуран ајәләриндән бирини тилавәт етсин. Әҝәр белә едәрсә, охудуғу һәр бир ајәнин мүгабилиндә әмәл дәфтәринә он саваб иш јазылар вә о мигдарда да ҝүнаһларындан бағышланар. (Үсули-кафи, «Гуранын фәзиләти).
Гуран охумағы сизләрә төвсијә едирәм. Билин ки, ҹәннәтин сарајлары Гуран ајәләринин сајы гәдәрдир. Гијамәт ҝүнү Гуран гариләринә Гуран охумаг әмр олунар. Онлар нә гәдәр чох охујарларса мәгамлары бир о гәдәр уҹалар вә өз әмәлләринә лајиг дәрәҹәләрлә мүкафатланарлар. (Үсули-кафи).
Бир чох һәдис китабларында, о ҹүмләдән «Биһарул-әнвар»ын 19-ҹу ҹилдиндә Гуран охумағын фәзиләтләри барәсиндә кифајәт гәдәр һәдис нәгл олунмушдур. Бу китабларда Гуран охумағын фәзиләтләриндән башга диҝәр мүһүм мәтләбләрә дә ишарә олунмушдур.

Nur-az.com