06 Декабр 2017
ҜҮНАҺЛАРЫН ТӘСИРИНДӘН ГОРХМАГ ВӘ АЛЛАҺДАН ҺӘЈА ЕТМӘК
Аллаһын әзабындан горхан шәхс, һеч вахт ҝүнаһ етмәз
Ҝүнаһлары тәмизләјән амилләрдән бири дә ҝүнаһларын тәсир вә нәтиҹәсиндән горхмагла Аллаһдан һәја етмәкдир. Имам Садиг (ә) бујурур: Бир шәхсин ки, Аллаһын ону ҝөрдүјүндән, сөһбәтини ешитдијиндән вә бүтүн ҝөрдүјү пис, јахшы ишләрдән хәбәрдар олмасындан јәгинлији вар, о шәхс пис ишләр ҝөрмәз вә өз Аллаһындан һәја едиб, ҝүнаһлардан горунар.»О Һәзрәт башга һәдисдә бујурур:
«Аллаһдан елә һәја ет ки, елә бил ону ҝөрүрсән вә сән Ону ҝөрмәсән дә О сәни ҝөрүр».
İслам Пејғәмбәри (с) бујурур:
«Мөмин ҝүнаһы белә тәсәввүр едир: Санки бөјүк бир дашын алтында дуруб вә о дашын учмағындан горхур. Амма кафирин ҝүнаһа мүнасибәти онун бурнунун јанындан кечән бир милчәјин вызылтысына бәнзәјир».
Имам Әли (ә) бујурур:Â
لا تَخَفْ اِلاّ ذَنْبَكَ
«Өз ҝүнаһындан савајы һеч бир шејдән горхма!»
Имам Садиг (ә) бујурур:Â
اَلْعَجَبُ مِمَّنْ يَخافُ الْعِقابَ وَلَمْ يَكُفَّ
«Тәәҹҹүб едирәм о шәхсә ки, Аллаһын әзабындан горхур, бунунла белә ҝүнаһ едир».
Јәни Аллаһын әзабындан горхан шәхс, һеч вахт ҝүнаһ етмәз.
