16 Јанвар 2018
Инсан өзүнү неҹә таныја биләр?
инсан Аллаһы ја тәфәккүр, ја да “һүзури” јолла таныја билир.

Һәзрәт Әли (ә) бујурур: “Өзүнү таныјан Аллаһыны танымышдыр” (“Гурәрул-һикәм”.)
Əввәлҹә гејд едәк ки, инсан Аллаһы ја тәфәккүр, ја да “һүзури” јолла таныја билир. Һүзури танышлыг ики нөвдүр. Биринҹи нөв һүзури танышлыг әввәлҹәдән инсанын дахилиндә гојулмуш фитри танышлыгдыр. “Рум” сурәсинин 30-ҹу ајәсиндә бујурулур:”Үзүнү Аллаһын фитри олараг инсанлара вердији динә тәрәф тут.”
Һүзури танышлығын икинҹи нөвү елә бир елмдир ки, Аллаһ бу елми јалныз лајиг бәндәләринә әта едир. Гуранда охујуруг: “Беләҹә, Ибраһимә ҝөјләрин вә јерин мүлкүнү ҝөстәрдик ки, әминликлә инананлардан олсун.” (“Әнам”,75.)
Бәли, инсан өзүнү танымаг үчүн фитрәтин нә олдуғуну анламалыдыр. Фитрәт исә мүхтәлиф үсулларла дәрк олунур. Ҹәмијјәти вә тарихи өјрәнмәк, дахили мејлләрлә таныш олмаг, виҹданын сәсини динләмәк, сәмави китаба вә бујуруглара мүраҹиәт етмәк фитрәтлә танышлыг үсулларындандыр. Инсан елми шәкилдә өз вүҹудуну өјрәнмәли, бу вүҹудда фәалијјәт ҝөстәрән гүввәләрлә таныш олмалы, нәфсини паклашдырмалы, ајәләр вә рәвајәтләр васитәси илә суалларына ҹаваб тапмалыдыр.