12 Март 2018
Әмәлсиз алимин мәзәммәти
Әмәл етмәдијиниз сөзү демәкдән горхун
Имам Әли (ә) бујурмушдур: “Товратын ахырынҹы һиссәсиндә беш бујуруг вардыр ки, мән һәр сәһәр ону охумағы севирәм: Әмәлсиз алим шејтан кими, залым солтан Фирон кими, тамаһкар фәгир варлынын гаршысында баш әјән ит кими, истифадә едилмәјән сәрвәт кәрпиҹ кими вә зәрури вә еһтијаҹ олмајан һалларда евдән чыхан гадын кәниз кимидир.” (“Нәсајиһ”, сәһ. 223.)Устадлардан биринә дедиләр: Сиз нијә әхлаг дәрси демирсинин? Деди: Гуранын ики ајәси мәни бу ишдән узаглашдырыб:
“Сиз неҹә инсанлары јахшы ишләрә әмр едирсиниз ки, өзүнүзү унудурсунуз? Һалбуки сиз Аллаһын китабыны охујурсунуз. Бәс, нијә фикирләшмирсиниз?” (“Бәгәрә” сурәси, ајә: 44.)
Башга бир ајәдә бујурур:
“Әмәл етмәдијиниз сөзү демәкдән горхун. Бу Аллаһы бәрк гәзәбләндирир.” (“Сәф” сурәси, ајә: 3.)
Дүнјапәрәст алим вә динсиз өлүм
Һәзрәт Пејғәмбәр (с) бујурмушдур:
“Һәр кәс фәхр етмәк үчүн елм өјрәнсә, ҹаһил кими дүнјадан ҝедәр. Һәр кәс ону анҹаг демәк үчүн өјрәнәрсә, мүнафиг кими өләр. Һәр кәс ону мүбаһисә вә ҹәдәл үчүн өјрәнәрсә, фасиг өләр. Һәр ким ону варланмаг үчүн өјрәнәрсә, динсиз өләр. Һәр ким ону әмәл етмәк үчүн өјрәнсә, ариф вә мүвәһһид өләр.” (“Әл-Мәваизүл-әдәдијјә”, сәһ. 262.)
“Һәр кәс фәхр етмәк үчүн елм өјрәнсә, ҹаһил кими дүнјадан ҝедәр. Һәр кәс ону анҹаг демәк үчүн өјрәнәрсә, мүнафиг кими өләр. Һәр кәс ону мүбаһисә вә ҹәдәл үчүн өјрәнәрсә, фасиг өләр. Һәр ким ону варланмаг үчүн өјрәнәрсә, динсиз өләр. Һәр ким ону әмәл етмәк үчүн өјрәнсә, ариф вә мүвәһһид өләр.” (“Әл-Мәваизүл-әдәдијјә”, сәһ. 262.)
