Шрифт өлчүсү:

16 Мај 2018

Әсас мәсәлә будур ки, инсан өзүнүн ҝүнаһ вә јанлыш әмәлләринә мане олсун

ҜҮНАҺДАН УЗАГ ҜӘЗӘК

Өз тәҹрүби һәјатымызла бағлы бир мәсәләни дејирәм ки, иншааллаһ даһа чох ҹанланма, даһа јахшы ирәлиләмә олсун. О мәсәлә будур ки, Аллаһа јахынлашмаг үчүн әсас мәсәлә ҝүнаһлары тәрк етмәкдир. Мүстәһәбләр, нафиләләр, тәвәссүлләр, дуалар вә диҝәр мәсәләләр икинҹи дәрәҹәлидир. Әсас мәсәлә будур ки, инсан өзүнүн ҝүнаһ вә јанлыш әмәлләринә мане олсун. Бу, тәгва тәләб едир. Тәгва вә пәһризкарлыг инсанын газанмалы олдуғу ән мүһүм, ән биринҹи шејдир. Ҝүнаһа мане олан да одур.

ДУА ВӘ ДИГГӘТИН МАНЕӘЛӘРИ

Ҝүнаһ иҹазә вермир ки, инсан өзүнү, һәтта илаһи мәғфирәтин саһилинә чатдырсын, ондан истифадә етсин. Ҝүнаһ гојмур ки, биз дуа вә диггәт әһвал-руһијјәси тапаг. Ҝүнаһ гојмур ки, биз өзүмүзә јенидән бахыш кечирмәк, өзүмүзү јенидән тәрбијә етмәк фикринә дүшәк. Чалышаг ҝүнаһдан узаг олаг. Бу, мәсәләнин биринҹи шәртидир.
Əлбәттә, ҝүнаһлар мүхтәлифдир. Мүхтәлиф фәрди вә иҹтимаи ҝүнаһлар вар. Әл, ҝөз, дил вә диҝәр васитәләрлә мејдана ҝәлән ҝүнаһлар. Ола биләр ки, мүсәлман фәрдләр үчүн ҝүнаһ ҝизли галмасын. Нәјин ҝүнаһ олдуғуну билирләр. Дуа охујан, мүстәһәб әмәлләр һәјата кечирән, шәри вәзифәсини иҹра едән, амма бунларла јанашы ҝүнаһдан чәкинмәјән шәхс санки сојугладығы һалда гыздырмалы вәзијјәтдә һәм сојугдәјмә дәрманы гәбул едир, һәм дә сојугдәјмә үчүн зијанлы јемәкләр јејир. Бу һалда тәбии ки, о дәрманларын хејри олмајаҹаг. Әҝәр хәстә адам она зијан олан јемәји јесә, она зијан олан әмәли етсә, гәбул етдији перепаратлар тәсирсиз олаҹаг.

Ајәтуллаһ Сејид Әли Хаменеи