28 Ијул 2018
Әһли-бејт (ә) илаһи нурдур (Нур ајәси)
Аллаһ диләдијини Өз нуруна јөнәлдир
اللَّهُ نُورُ السَّمَاوَاتِ وَالْأَرْضِ مَثَلُ نُورِهِ كَمِشْكَاةٍ فِيهَا مِصْبَاحٌ الْمِصْبَاحُ فِي زُجَاجَةٍ الزُّجَاجَةُ كَأَنَّهَا كَوْكَبٌ دُرِّيٌّ يُوقَدُ مِنْ شَجَرَةٍ مُبَارَكَةٍ زَيْتُونَةٍ لَا شَرْقِيَّةٍ وَلَا غَرْبِيَّةٍ يَكَادُ زَيْتُهَا يُضِيءُ وَلَوْ لَمْ تَمْسَسْهُ نَارٌ ۚ نُورٌ عَلَىٰ نُورٍ يَهْدِي اللَّهُ لِنُورِهِ مَنْ يَشَاءُ وَيَضْرِبُ اللَّهُ الْأَمْثَالَ لِلنَّاسِ وَاللَّهُ بِكُلِّ شَيْءٍ عَلِيمٌ
"Аллаһ ҝөјләрин вә јерин нурудур. Онун нуру, ичиндә чыраг олан бир тахчаја бәнзәјир; о чыраг шүшәнин ичиндәдир, шүшә исә, санки инҹи кими бир улдуздур. О (чыраг) тәкҹә шәргә вә ја тәкҹә гәрбә аид едилмәјән мүбарәк зејтун ағаҹындан јандырылыр. Онун јағы өзүнә од тохунмаса да, санки ишыг сачыр. (Бу), нур үстүндә нурдур. Аллаһ диләдијини Өз нуруна јөнәлдир. Аллаһ инсанлар үчүн мисаллар чәкир (ки, һәгигәтләри анласынлар). Аллаһ һәр шеји Биләндир." (Нур, 35).
Изаһ: Нур ајәси бир сыра тәмсилләри еһтива едир ки, Әһли-бејт (ә) рәвајәтләринә нәзәрән мәгсәдин нә олдуғу ајдын олур.
Һәдис: İмам Садиг (ә) бу ајәдә сөзү ҝедән ифадәләри белә изаһ етмишдир: “Тахча” Фатимәдир (ә). “Чыраг” Һәсәндир (ә). “Шүшә” Һүсејндир (ә). “Санки инҹи кими бир улдуздур”, јәни Фатимә (ә) дүнја гадынлары арасында инҹи кими бир улдуздур. “Мүбарәк ағаҹ” һәзрәт Ибраһимдир (ә). “Нә шәрг вә нә гәрб”, јәни нә христианлыг, нә дә јәһудилик. “Санки ишыг сачыр”, јәни санки елм орадан гајнајаҹаг. “Нур үстүндә нурдур”, јәни имамлар бир-биринин ардынҹа ондан төрәјәҹәк. “Аллаһ диләдијини Өз нуруна јөнәлдир”, јәни Аллаһ истәдијини имамлара јөнәлдир.” (Кафи, ҹ. 1, сәһ. 115, һәдис: 5).
