06 Fevral 2019
Allahın möminlər üzərində qəyyumluğu
"Onlar Od sakinləridirlər və orada əbədi qalacaqlar"
اللَّهُ وَلِيُّ الَّذِينَ آمَنُوا يُخْرِجُهُمْ مِنَ الظُّلُمَاتِ إِلَى النُّورِ وَالَّذِينَ كَفَرُوا أَوْلِيَاؤُهُمُ الطَّاغُوتُ يُخْرِجُونَهُمْ مِنَ النُّورِ إِلَى الظُّلُمَاتِ أُولَٰئِكَ أَصْحَابُ النَّارِ هُمْ فِيهَا خَالِدُونَ
"Allah iman gətirənlərin himayədarıdır, onları zülmətlərdən nura çıxarır. Kafirlərin hamiləri isə tağutlardır, onları nurdan zülmətə salarlar. Onlar Od sakinləridirlər və orada əbədi qalacaqlar." (Bəqərə, 257).
İzah: Müqəddəs İslam dininin əsası və Allaha imanın mehvəri Allahın və dostlarının himayədarlığını qəbul etmək, düşmənlərinə qarşı isə nifrətini ifadə etməkdir. Fürui-dində təvəlla və təbərra kimi qeyd olunan bu mətləb bir çox ayə və hədislərdə işarə olunan bir həqiqətdir. Məlum olduğu üzrə, ilahi övliyalara sevgi o baxımdan şiə məzhəbinin əsası və İslam xeyməsinin sütunudur ki, onun sayəsində əməldə də onları örnək almağa zəmin yaranır.
Hədis: İmam Sadiq (ə): “Bu ayədə məqsəd odur ki, Allah ədalətli imamı hami olaraq seçənləri günahların zülmətindən tövbə və bağışlanma nuruna yönəldir. Yaxşı iş görən, amma zalım rəhbəri sevənləri küfr zülmətlərinə sürükləyir.” (Kafi, c. 1, səh. 376, hədis: 3).
