09 Oktyabr 2021
İsrailin ölkəmizdəki agent şəbəkəsi silsiləsindən - Laf TV
5-ci yazıÖlkəmizdə İsrailin agentura şəbəkəsi mövcuddur. Biz bu barədə əvvəllər də indilərdə də həyəcan təbili çalırıq. Çünki əziz xalqımızı İsrailin təhlükəsindən xəbərdar etmək borcumuzdur. Belə ki, biz də bu xalqın bir parçasıyıq. İsrail elə bizim özümüz üçün təhlükədir. Bu agentura şəbəkəsinə bəzi ictimai insanlar kimi bir sıra media qurumları da daxildir. Hər birisi İsrail səfirliyindən yemlənib İslam əleyhinə, şiə ölkəsi olan İran əleyhinə hürürlər. Əməlli başlı sionist rejim ölkədə özünün media sahəsində də agentura şəbəkəsini yaradıb.
Azərbaycanda mövcud vəziyyət çox acınacaqlıdır. Mossadın Azərbaycan qanadı olan Yeni Müsavat qəzeti kimi başqa bir internet televiziyası da Azərbaycanda fəaliyyət göstərir. Onlar da Yeni Müsavat qəzeti kimi Azərbaycanın daxili problemlərini hərdən bir, o da İsrail muzdurları olduqlarını gizlətməkdən ötrü işıqlandırırlar. Prioritet məsələləri isə ancaq İrana hürməkdir.
Bu internet kanalının adı Laf tv-dir. Bunlar da özlərini türkçü, pantürk hesab edirlər. Əslində isə ölkəmizdə, elə qardaş Türkiyədə də pantürklər İsrailə xidmət edən zümrədir. Onlar qəti olaraq İslamın əleyhinədir. Onlar İslamı aradan apara bilmədikləri üçün fars bəhanəsi ilə İranı söyürlər. Laf tv də sionist İsrail türklərindəndir. Yəni, sionist İsrailin qondarma səfirliyi tərəfindən yemlənən, onların arzu etdikləri Böyük Sionist Turan dövlətinin qurulmasından ötrü dəridən qabıqdan çıxan kanallardandır.
Kanalın adı Lafdır, laf isə türk sözüdür. Türklər sözə laf deyir, amma əslində qədim fars kitablarında laf sözünün mənası sadəcə söz demək deyil, mənasız söz deməkdir. Eyniylə Laf tv kimi mənasız, boşboğazların sözü.
Sionist səfirliyindən yemlənən Laf tv-dən söz düşmüşkən bu kanalın sadəcə bir neçə dəqiqəlik fəaliyyəti barədə xəbər verək. Deməli, sionist kanalının Ləman Əşrəfqızı adlı bir aparıcısı var. Bir dəfə keçmiş Parlament sədri Rəsul Quliyevlə əlaqə yaradıb İran əleyhinə onu danışdırır. Rəsul Quliyev isə siyasi İranı, ya da İran siyəsətini bir kənara qoyub tarix boyu Azərbaycanın İran dövlətinin tərkibində olmasından danışır. Aparıcı isə görür ki, yox e Rəsul Quliyev İran əleyhinə danışana oxşamır, ona deyir ki, gəlin indiki vəziyyətdən danışaq və tarixi buraxaq tarixçilərin öhdəsinə. Rəsul Quliyev isə aparıcıya deyir ki, bizim tarixçilərimiz saxtakardır, həqiqəti danışan deyillər. Həmçinin deyir ki, İran sizə zarafat gəlməsin ha, İran bütün dünya - Amerika, İsrail, Sovetlər birliyi birləşib İranı məhv etmək istəyən bir vaxtda özünü qorumağı bacardı və düşmənləri onunla bacarmadılar. Bu yerdə əslində sionist səfirliyindən yemlənən Laf tv əməkdaşları, rəhbərliyi kimi bütün əziz xalqımız bilməlidir ki, İran doğrudan da zarafat deyil.
Sonda deyək ki, Laf tv kimi dezinformasiya xəbərlər yayan, İran, eləcə də Azərbaycan barədə yalanlar danışan bir kanalın Azərbaycanda varlığına imkan verilməməlidir. Çünki bunlar sionst İsraildən tulapayı alıb şiəyə, İslama hürən insanlardır. Bunlar iki qardaş ölkə olan İranla Azərbaycanın arasını vurmağa çalışan mərdməzarlardır. Müharibə vaxtı heç birinin balasının burnu belə qanamayacaq. Olan elə yetim balansına olacaq.
