Шрифт өлчүсү:
А+
А
А-
22 Јанвар 2022

Милчәјин ганынын һөкмүнү сорушанлар вә мәрһум Тағыјевин тәсбеһинин дәрдинә дүшәнләр

Тәсбеһ сөһбәти чох ағыр сөһбәтдир. Һәм диндарлар арасында, һәм дә ворзаконлар арасында.

Һәр ики дәстәнин һөрмәтини вә рәғбәтини газанан мөмин, һаҹы бир хејријјәчи јашајыб Азәрбајҹанда. Вар-дөвләтини касыб-күсуба хәрҹләјән хејријјәчи. Мин ҹүр позғунлуға пул хәрҹләјиб амм касыба әл тутмајан олигархлара нүмунә олаҹаг бир инсан олуб Һаҹы Зејналабдин Тағыјев. Аллаһ она гәни-гәни рәһмәт еләсин.
Демәли, хәбәрдә дејилир ки, Тағыјевин тәсбеһини, даһа доғрусу Һаҹы үчүн гојулан һејкәлинин тәсбеһ һиссәсини гопарыб апарыблар.

Тәсбеһин сөһбәти ағыр сөһбәтдир. Јашлы нәнәләр демишкән ҝөрәсән Һаҹынын нијә дашы, даһа доғрусу даш һејкәлинин тәсбеһинин дашы ағыр олуб дүшүб бәзиләринин башына? Нијә мәһз тәсбеһ?

Даш баша дүшәндә адам күлбаш олмагдан даһа бетәр олур. Баша тәсбеһ дәјәндә исә ондан даһа бешбетәр. Чүнки оғру аләминдә тәсбеһин баша дәјмәси чох пис һалдыр. Амма тәсбеһи оғурлајан да бир оғрудур. Фәгәт ҝөрүнүр ворзаконлардан фәрглидир. Чүнки билдијимиз гәдәр һәгиги ворзаконлар, лотулар кимин габағында диз гатламасалар да Аллаһын јанында диз гатламағы западло һесаб етмирләр. Тәсбеһ оғурлајан исә ҝөрүнүр дин дүшмәнидир. Чүнки адам ҝедиб Рөвшән Ләнкәранскинин тәсбеһини оғурласајды дејәрдик ки, буну өзүнә шәрәф һесаб едир, өзүнүн оғру аләминдә јеринин олдуғуну бу ҹүр чатдырмаға чалышыб. Амма Тағыјевин тәсбеһи бир хејријјәчи, һаҹы, диндар, дили зикрли шәхсин тәсбеһидир. Бу тәсбеһ оғру аләминә јох, диндар адамлара аид тәсбеһдир. Бу тәсбеһи нијә оғурлајыблар.

Бир шеји бурда демәсәк Аллаһ да, диндарлар да елә Тағыјевин руһу да бәлкә бизи бағышламаз. О да будур ки, Кәрбәла һадисәси баш вериб битмишди. Мәлун гөвм Имам Һүсејнин (ә) мүбарәк башыны кәсиб низәләрә вурмушду. Аллаһ залым гөвмә гијамәтә гәдәр ләнәт еләсин. Биш ләнәт. Даһа сонра шејхләрдән биринә ҝәлиб куфәлиләрдән бири белә бир суал вермишди. Көјнәјимә милчәк ганы дүшүб ҝөрәсән, бу көјнәјин, бу ганын һөкмү нәдир? Һәмин шејх ондан һаралы олдуғуну сорушур. Суал верән дејир ки, куфәлијәм. Шејх она дејир ки, Аллаһ сизи бағышламасын, Пејғәмбәр (с) баласынын ганыны төкмүсүнүз, башыны кәсиб низәјә вурмусунуз. Инди дуруб ағҹаганадын, милчәјин ганынын һөкмүнү сорушурсуз?

Елә бизим дә агибәтимиз һәмин куфәли ҝүнүндәдир. Аллаһ бизи бағышламаз. Шир кими руһаниләр ичәридәдир. Пак адамлар шәрләниб һәбсә атылыб. Һаҹы Зејналабдин Тағыјевләрин јетишмәсиндә мүстәсна рол ојнајан, инсанлара зикр, тәсбеһ, паклыг, хејријјәчилик өјрәдән руһаниләр гандалланыб түрмәдә чүрүјүр. Онларын ҝәнҹликләри оғурланыб, биз динмирик. Амма бир даш парчасы оғурланыб, буну динин дүшмәнчилији кими гәләмә веририк. О адамы тутуб сорушсаныз бәлкә дә дејәҹәк ки, ҝедин ҹәһәннәм олун ишинизлә мәшғул олун. Руһаниләри һәбс еләмисиз виҹданыныз сызламыр, даш парчасы севдасына дүшмүсүз?


2507 بازدید
در حال ارسال اطلاعات...
Go to TOP