General Qasim Süleymani kimi şəxslər İranın fəxridirlər və biz bu ilahi nemətlərin hamısını uca tutmalıyıq!
Höccətül-İslam Natiq Nuri İran xalqının İslam inqilabının qələbəsi günündə keçirilən yürüşlərdə izdihamlı iştirakını yüksək dəyərləndirib, dövlətə dəstəyini belə möhtəşəm səviyyədə nümayiş etdirən ayıq xalqa xidmət etməyi böyük şərəf adlandırdı.
Quruluşun Məsləhətini Müəyyənləşdirən Qurumun üzvü və İslam İnqilabının Böyük Rəhbərinin ofisinin Təftiş şöbəsinin sədri olan Natiq Nuri çıxışında bunları da əlavə edib:
“Hizbullah döyüşçülərinin və Fələstin xalqının polad iradəsi sayəsində sionistlərin planları iflasa uğramış, İraq döyüşçülərinin güclü qolları və öz qardaşlarımızın dəstəyi sayəsində İŞİD cəlladları məhv olmaq üzrədirlər. İŞİD və əl-Nusra kimi qruplaşmalar əl-Qaidə və Taliban kimi terror təşkilatlarının törəmələridir və hamısı ABŞ və onun müttəfiqləri tərəfindən yaradılmışdır. General Qasim Süleymani kimi şəxslər İranın fəxridirlər və biz bu ilahi nemətlərin hamısını uca tutmalıyıq!”
